港攝影師「香港舊城」圖輯 留住消失街景獲BBC報道

撰文:黃樂怡
出版:更新:

攝影師楊安迪喜歡以鏡頭捕捉香港面貌,他的新作「記住香港」(Remember Hong Kong)呈現香港老城區,系列今日(17日)獲BBC報道,再度讓外界認識香港。
2015年他已憑香港公屋照及高密度住宅照,奪得兩項國際攝影獎(International Photography Award)。

廟街夜市(楊安迪圖片)

楊安迪新作「記住香港」以電影感色彩拍下香港老城面貌,拍攝場景包括廟街夜市、油麻地果欄及北角電車市場等,原來靈感來自一部日本動畫。

以照片留住逐漸消失的香港街景

楊安迪接受《香港01》專訪時表示,他在香港土生土長,小時候在九龍城長大,見證九龍城寨被清拆,長大後看見外國片重現城寨古貌,自此就對舊建築特別有感覺。楊安迪認為:「香港好多嘢都好似城寨咁慢慢消失,所以趁呢個機會去影返香港特色建築物。」

最近荷里活翻拍日本動畫《攻殼機動隊》,令楊安迪回想起逾20年前的同名日本電影,電影中香港場景的特色建築及街景令楊安迪感觸良多,因此決定用鏡頭記錄「買少見少」的香港特色街景。

油麻地果欄(楊安迪圖片)

新系列的拍攝對象包括唐樓、霓虹燈招牌等充滿香港味道的面貌,楊安迪表示明白每個城市都需要發展,「唔係話想阻止清拆,但香港係出奇地發展得好快」,拍攝此系列作品只是想吸引更多人關注香港的特色建築。

楊安迪憶述深水埗的大南街,以往有很多霓虹燈招牌,亦是《變形金剛4》其中一個拍攝場地,但這些霓虹燈卻無聲無息地消失。楊安迪指:「有一日突然發現清拆晒,覺得好可惜」,「直至佢唔見咗先發現,咁就真係冇咗」。

油麻地露天街市(楊安迪圖片)

日走二萬步尋找拍攝場地

「記住香港」系列共有16張照片,拍攝地點包括港九新界多區,楊安迪表示:「影嘅時間唔耐,幾分鐘影完,搵地方係最難」。部分拍攝地點由朋友介紹,但大部分都是楊安迪走遍每條街發掘出來的,「油尖旺都行過晒,每一條街都行過,有時一日行成二萬步。」

拍攝旺角夜總會一照時,楊安迪在行人天橋放好腳架準備拍攝,發現身後出現人龍跟住拍照,「好多外國朋友見到。嘩,原來呢個角度咁靚,係我後面成團人咁影」。 

旺角夜總會(楊安迪圖片)

辭職轉行全職攝影只為追夢

楊安迪以前從事網站設計工作,收入穩定,但坦言「以前坐office,唔知靈魂去咗邊」。直到2015年獲得幾項國際攝影獎,楊安迪發現如有一份正職,難以專心進行攝影,在朋友鼓勵之下決定辭職,原因只有一個:「為咗個夢囉」。

楊安迪認為自己很幸運,一年前當上全職攝影師後收入比以前多,但始終不及做IT穩定。楊安迪現在寓工作於娛樂:「多少(收入)都唔係問題,最緊要做緊自己中意嘅嘢」。

北角電車市場(楊安迪圖片)

更多楊安迪作品:

鰂魚涌街市(楊安迪圖片)
暮光下的香港 - 照片攝於尖沙嘴一商場的空中花園。(楊安迪照片)
楊安迪以《Birdcage》為題,拍攝一系列公屋作品,奪得2015 International Photography Awards建築組別(室內)第三名。(IPA 網站圖片)
楊安迪以《Beehives》為題,拍攝一系列高樓大廈作品,展現香港人口稠密,奪得2015 International Photography Awards建築組別(城市面貌)第一名。(IPA 網站圖片)

楊安迪"Remember Hong Kong"全集