【有片】菲律賓盛產小巨肺 震音轉音成熟到你唔信！
撰文：彭嘉彬
出版：更新：
早前Celine小妹妹在《全美一叮》顯示她的小巨肺實力，揚威國際成為香港之光。以為這樣已算是誇張？少年你太年輕了，原來在我們以為Celine已算是百年難得一遇的奇才時，菲律賓的ABS-CBN電視台隨隨便便已找來三位實力不下於Celine妹妹，甚至有過之而無不及的小男孩在節目中進行Battle。
呢幾位小朋友一開聲真係嚇窒你。
ABS-CBN節目《Gandang Gabi, Vice!》(Good Evening, Vice)找來不同嘉賓亮相，閒談之餘亦會即場表演。早前節目便找來了三位小男孩，即場演唱Beyonce的《Listen》，更以歌Battle。年紀輕輕的三位小朋友，唱起歌時，表情卻非常肉緊，最重要的是他們的高音實在不能小覷，就像三位小Beyonce在唱歌一般。從他們的外表和聲音看來，三位小男孩也應該未開始變聲，故此音域能達到女歌手的水準。不少網民表示，雖然小時了了，但長大變聲後卻未必能唱回這個水準。
其實把聲真係有啲似Beyonce。
雖然三位小男孩唱歌技巧相當成熟，震音、轉音等非常齊全，不過主修聲樂的龐卓欣早前接受《香港01》訪問時表示：「年紀少少便參加這類表演，大多也會把聲音逼到好像大人般，其實好傷把聲。」不過見到節目入面，幾位小朋友著得咁老積，唱歌又成個大人咁，應該都係細細個就訓練有素，唔知當地人又會唔會覺得佢哋失去童真呢？
細細個嘅衣著、動作、表情都十足一個大人，彷彿已經想像到佢大個會係咩樣。 (影片截圖)