MIRROR三位成員再次同步出歌 阿Jer為搵靚景瓹山窿拍MV險中暑
近期人氣男團MIRROR成員非常勤力,早前Ian(陳卓賢)推出新歌《鯨落》、而AK(江𤒹生)及Anson Lo(盧瀚霆)的全新個人單曲亦將於後日(8月12日)面世。巧合的是,Jer(柳應廷)亦選擇同日發布第二首個人作品《迴光物語》,意味今年2月29日「一炮三響」的戲碼再度上演。
AK@MIRROR邀沈殷怡做MV女主角 全因Budget有限:講心唔講金
Anson Lo@MIRROR借歌詞自爆情史 為最靚身形拍MV捱餓30小時
今次《迴光物語》承接《水刑物語》的概念與意思,內容希望鼓勵大家在遇到多困難的事都不要放棄,Jer補充說:「其實有好多嘢會成為你心中嘅框架框住你,你係要去打破,譬如人生中會有一啲唔太開心嘅事,會框住自己,喺MV我就有一個鏡頭,係我打破咗一啲嘢,去表達呢個訊息。」
《迴光物語》MV講述Jer化身成為外星人,從第二個星球來到地球後的故事。為了靚人配靚景,拍攝當日Jer在酷熱天氣警告下與工作人員先要搭半小時的車到達山頂,然後再登山100米,再落山,才能到達沙頭角蓮蔴坑礦洞,該段路程被評難度高達4星(5星為最高),沿途也沒有補給點,眾人背負著器材行山,極度消耗體力,加上部份路段靠近懸崖,可謂一步一驚心。從未試過行山的Anson Lo為陪伴Jer,更奉獻第一次給對方一同登山,可見二人的友情深厚。
Jer回想行山過程也不禁嘆氣,說:「拍MV過程最辛苦係行山,雖然我平時都會行,但經過上次睇景試行之後,今日(拍攝當日)體力好透支,自己孭咗好多衫同水,拍攝時仲要著3、4件長袖衫又戴帽,喺酷熱天氣下,要長期用風扇吹住自己,等自己可以喺戶外底下個妝都唔會溶。」
被問到可會再次行山拍MV,Jer也猶豫回答:「我都唔肯定,我唔知體力方面可唔可以頂到,同埋我見大家都好辛苦,實在唔忍心!」繼上次《水刑物語》玩水,今次《迴光物語》要攀山,下次再拍MV可會要飛天呢?Jer笑說:「真係唔知,要等第三首歌出到嚟感覺係點至答到大家呢!」
《迴光物語》比《水刑物語》演繹難十倍
如果說拍攝MV是體力挑戰,今次演繹《迴光物語》對於Jer來說就是音域上的挑戰,他說:「今次呢首歌難度係音域較闊,Carl叔叔(王雙駿)要我用好澎湃情感去演繹呢首歌,到歌曲尾段係有少少難度,《迴光物語》比《水刑物語》難十倍,所以之後唱Live都有少少驚,但要練多啲,等自己唱好啲。」不過因為之前曾灌錄《水刑物語》及Mirror《IGNITED》,Jer跟Carl已合作多次,所以他們已熟絡了,就連Carl也指Jer今次發揮得比過去都好呢!