孫耀威3年前瑞士甜品店求婚 自己跪地即落淚：Macy跪埋一齊喊
撰文：陳奕熙
出版：更新：
孫耀威(Eric)在加盟星娛樂的派對上，宣布與拍拖8年的陳美詩(Macy)已在洛杉機註冊結婚。關於結婚確實時間，Eric絕口不提，話要留返做兩人的小秘密，不過求婚就是3年前的事，Macy非常喜歡食甜品，而瑞士就有一間好出名的甜品舖，Eric表示:「我妹妹住喺瑞士，咁就搵佢收買咗個老闆，又搵啲人係附近扮客，一路食甜品，到要求婚見到隻戒指時，唔知點解我跪喺到自己都好感動喺到喊，Macy又好感動跪埋一齊喊。」Eric笑言結果兩人攬住一齊喊，好搞笑。
Eric在瑞士的甜品舖求婚，好浪漫啊!(黃國立攝)
談到為何要在美國註冊？好簡單，一個字，「浪漫」，Eric笑言總覺得要找些事做才行：「唔想揸架車去簽張紙就完，所以我地瑞士求婚，美國註冊，澳洲影婚紗相，香港宣布，好似咁浪漫啲。」問到44歲的Eric可有造人計劃？他表示兩人已做了產前檢查，質量好好，沒有實質的計劃，但會順期自然。
Eric笑言自己見到戒指時，也感動到落淚。(黃國立攝)
求婚，註冊，宣布分開在幾個地方進行是因為咁先浪漫。(黃國立攝)