是非精同事專搞小圈子 如何應對不易得失?把握時機隨時升職在望

撰文:詩寧
出版:更新:

間中都收到讀者Inbox問「如何應付XXX同事」,返工要對住討厭嘅同事真係好痛苦,有啲為上位不擇手段嘅人,我對佢哋都有幾分理解,或者佢真係好鐘意錢、權力、地位,所以出咁多力去達到目的。但有啲同事係無原因地做好多令人討厭嘅事,見到呢種無聊人要立即彈開,唔好浪費時間同口水。

撰文:詩寧

(《辭職的最佳時機》劇照)

我信緣份,我相信每一個出現喺人生嘅人,都會令我學到一啲嘢,無論嗰個人對我做咗咩衰嘢或者佢為人有幾不濟,我都會提自己呢個人係嚟提示我進步嘅。而公司的無聊人,帶畀我嘅啟發就係:記住佢做衰嘢個樣有幾醜陋,我唔可以變成咁。

(《嫉妒的化身》劇照)

造謠生事的「八婆」

這裡指的「八婆」是指「八卦」、造謠生事的同事。有人會將「篤背脊」同「講是非」混淆,「篤背脊」可以理解為A同事做咗啲影響仕途嘅事,而B同事就將呢件講出去從而影響A同事的事業發展,有啲人會用嚟打擊工作上的對手;但「講是非」呢,純粹係喺同事身上搵啲話題,當中最低層次就係人身攻擊,損人不利己。

專搞是非的八婆日日返工討論其他人著咩衫、個髮型有幾唔順眼、某同事好似同男朋友吵架、某同事WhatsApp頭像P圖情況嚴重……

呢啲討論完全唔會令世界進步,純粹係垃圾資訊、製造噪音。

【點圖即看聰明應對方法】===>

散播「負能量」的阿愁

返工有唔開心事想搵人呻好正常,但呻得太多或者開口埋口「想辭職」而又唔行動、成日勸其他人辭職等等,就好煩厭。工作唔順利,應該搵出問題根源,係人際關係?定個人能力?對症下藥先治標又治本。

有個舊同事每次接新Project都會話:「咁難,實做唔到啦」、「呢單嘢個價咁平,白做啦」。未開始做就呻定先,呢啲「阿愁」好影響士氣。

【唔想畀呢種同事影響,點圖即看應對方法】===>

(《Black Dog》劇照)

刻意為難的「前輩」

呢種無聊同事多數係年資較長,鐘意擺出高高在上嘅姿態,搵嘢刁難人,例如話你手字唔靚、標點符號用得唔準確、個Design隻紅色又唔夠紅等等,總之就係驚被後浪趕上,不斷棒打出頭鳥。

【唔想得失前輩?即睇應對方法】===>

無聊人的種類仲有好多,我明白有時會畀佢咃影響情緒,但冷靜落嚟要諗下有咩可以喺佢哋身上學到、拎走,唔好蝕!