【圖輯】70歲「郵癡」半生畫過萬手繪封 筆下盡見老香港
撰文：顏寧
出版：更新：
駱家驄，70歲，大半生的時間，繪畫過萬手繪封。手繪封，即是在信封上畫上配襯郵票的畫作。這40多年來繪畫的手繪封，一直存放在家中，未曾想過要變賣賺錢：「喺人哋眼中我係笨蛋，我亦唔介意。」直至兩個月前，駱家驄認識了是次展覽場地的館長三木，三木到他的 家看過手繪封，便決定為他舉辦展覽——「郵謎浪蕩－駱家驄給香港的一萬張手繪封」。駱家驄首次的個人展覽：「又唔係啲咩成就，但係都算有啲安慰啦。畫埋畫埋幾十年嘅嘢都收埋收埋。你笑我都好啦，我都好似有少少大器晚成嘅感覺。」
這次的展覽主題與香港歷史和中國文化息息相關，駱家驄繪畫不少舊日香港的面貌和歷史：「我覺得消失咗嘅地方係值得回憶，所以我畫返落嚟係有種情意結。」 展覽題材包括：回歸20週年、香港建築、電車、巴士、警察、辛亥革命、香港大學、義勇軍、武術、生肖、星座、戲曲和金魚，共分三次展出。
圖片：由受訪者提供
+15
香港回歸20周年，他畫下最後一任港督彭定康的卡通肖像。
駱家驄兒時跟隨家人去虎豹別墅參觀，「18層地獄」的壁畫提醒他平生不作虧心事。
駱家驄：「我以前住港島，就問爸爸點解九龍有雙層巴士香港冇嘅？ 每次嚟九龍我都會求我老豆同我搭雙層巴士，重要坐樓上。好有童年回憶。」
辛亥革命主題的郵集，駱家驄前後更花上10年時間繪製：「我細路仔嘅時候，爸爸、朋友都有講解畀我聽孫中山先生嘅歷史、辛亥革命嘅歷史。好有印象，一放假就攞住支筆，將呢個歷史記載落嚟，畫咗好多好多張。直到香港有郵票出，我好高興，就將以前畫嘅畫作配合喺信封裏面。」
皇家香港軍團（義勇軍）是一支由香港市民組成的志願部隊。畫到中途，駱家驄本來打算放棄：「我對佢唔認識，好難搵資料，幾乎想放棄。咁啱有幾個軍佬，係玩郵票嘅 ，同我講，阿驄你唔好唔做呢個集，呢個集係同香港息息相關。」