【RoadShow熄機．三】抗爭16年 寧銷行動：最遺憾令一代人無得揀
在九巴播放近17年的RoadShow最終停播，《香港01》推出RoadShow熄機系列報道，第三集來到爭取寧靜巴士16載的組織－－靜巴行動和寧銷行動的專訪。
這兩個組織獨力對抗巨人九巴多年，靜巴行動主席吳華孔坦言是遲來的成功，帶來些微的勝利感，而寧銷行動發起人盧漢文遺憾RoadShow熄機太晚，令整整一代人不可以選擇一個寧靜的空間。
吳華孔（Catherine）16年前成立靜巴行動，開初只因為RoadShow的廣播實在太吵耳，指自己平常每日要搭一小時巴士，長途巴固然希望可以靜靜地睡覺，但早期的RoadShow真係嘈得很緊要，形容「連個地板都震哂㗎！」Catherine起初仍可以向巴士車長要求熄掉巴士廣播，後來廣播系統變成強制，連選擇的權利都沒有：「一個文明社會竟然要迫人聽宣傳廣告，完全係唔文明銷售手法！簡直將利益建築喺市民痛苦上。」
激情與冷靜相間的抗爭
抗爭運動開始的時候總是火紅火熱，當時還是靜巴行動成員的盧漢文回憶起一次抗爭的經歷。有次組織成員攜同擴音器到九巴股東大會「踩場」，毫不留情地即場播放已錄製的RoadShow聲帶給九巴高層聽，讓他們感受有多滋擾，盧回想當時「真係幾激」！可惜的是，激情來得愈快，伴隨而來的失落感都愈大，Catherine感嘆道：「爭取好幾年都無成果，成員陸陸續續離開，甚至有成員直頭搬去近公司嘅地方，等自己唔洗聽咁耐RoadShow就算，但香港唔係個個人都可以搬㗎嘛。」
靜巴行動成員開始凋零之際，盧漢文於2008年另組寧銷行動繼續抗爭，他憶述：「一個青年因為RoadShow聲浪太滋擾，令佢有情緒困擾而𠝹櫈，上到庭佢屋企人喊晒咁，這次覺得原來個影響可以咁大。」一宗案件令盧漢文堅持，但一人組織可以做的始終有限：「呢幾年基本上只可以睇準某啲時機做某啲行動，激情好快會燒光，抗爭好多時唔可以一下就見效。」
遲醒覺的社會和被同化的人
念念不忘，必有迴響，最終RoadShow在今年7月1日正式停播。盧漢文認為，無心做節目是RoadShow最大的死因：「一開始做嘅時候啲製作係幾好，算係有啲節目製作，但它（Roadshow）開始喺內地投資後，又蝕咗好多錢，節目質素就開始下降了，近幾年直頭係每況愈下。」
Catherine坦言RoadShow停播多少都有點成功感，遺憾的是勝利來得比想像中慢：「無諗過香港可以容忍呢種唔文明咁耐，講緊嘅係一個選擇權利，要咁多年大家先開始覺得係一個問題。」盧漢文則惋惜遲來的勝利令一代人被迫忍受噪音：「我細細個嗰陣坐巴士可以靜靜地睇書，或者睇風景，但呢一代小朋友一出世就有RoadShow，完全無得揀。」同時，又令人無形中製造嘈雜環境，稱好多人用手機「睇片」但開到好大聲，猶如一個惡性循環。
下一步...…港鐵
過程也許有所犧牲，但至少可稱為「成功爭取」，抗爭的下一步要如何走下去？盧漢文直言，最希望市民擁有選擇的權利：「RoadShow又好咩平台都好，喺公共空間就唔應該迫市民接受。」至於未來抗爭對象可能是港鐵，盧指現時港鐵的車廂廣播都頗大聲，惟抗爭路或許會漫長。
