【中產飲咖啡】西環「任你畀幾錢」咖啡店 究竟咩玩法？
撰文：呂諾君
出版：更新：
在每天勞碌生活中抽空嘆杯咖啡，花上數十元，買的除是咖啡，也是一種生活態度。西環一間開張不久的咖啡店，因門前告示寫有「Pay as you wish」(按你的意願付款)，引起街坊熱烈討論，有人打趣說要試試只付1元，也有人說「人哋有心唔好畀咁少」。對於賺多賺少，老闆一於少理，指做法是為了在試業期間「試水溫」。他更希望可在土地問題嚴重的香港，提供優質咖啡配襯愜意環境，予客人細意品嚐。
西環一間咖啡店因門前告示寫有「Pay as you wish」，引起街坊熱烈討論。(呂諾君攝)
「真正嘅咖啡，要有適當空間去配合！」咖啡店店主Boris與拍檔，是徹頭徹尾的咖啡迷，近日選了在西營盤東邊街開設咖啡店。店舖裝修簡約，驟眼一看或會以為是藝廊，因店內有售價格相對高昂的「單品咖啡」(只用單一產地的咖啡豆進行沖煮)，Boris擔心區內顧客未能接受，因而在試業期間推行「自由定價」，「其實呢個概念係想畀顧客試完我哋咖啡之後，睇佢哋覺得值幾多分，然後去畀幾多錢……純粹想知居民反應，絕對唔係要做noise！」
Boris指，試業期間推行「自由定價」，是為了測試居民反應。
以「Pay as you wish」測試區內顧客願付多少，很多人也覺得新奇、開心，不少街坊都會因告示停下張望店舖。試業至今十數天，實際上有沒出現搞事顧客「畀一蚊」？「咁又冇喎……個個都好好人，唔會話畀少好多，有啲仲比我地原先心目中價錢仲畀多咗！」Boris指，到現時為止，最誇張的是有外國人買鮮奶咖啡時，放下了200多元。
自由定價之下，會否真的有人只付1元買咖啡？
其實，揭開餐牌上「pay as you wish」紙條，印有該店原先設定的價錢，可見一些常見咖啡與市面所售的價錢相約，也有一些較為罕見的手沖咖啡，則最高售400多元。Boris指，他的咖啡店不一定要賺錢，眼見客人在店內聚腳、認識，一同打發時間，就是他的最大動力，「所以你見我個舖座位唔多，又冇外賣枱，就係唔想佢哋走，想佢哋留喺度，真真正正咁感受咖啡！」
店內座位不多，因Boris希望為客人提供空間感。
店舖將在7月開業，屆時是否仍有「Pay as you wish」？
