【專訪】歐陽伯權堅持港鐵應維持有限度服務:做得番90分都要開

撰文:梁德倫
出版:更新:

反修例示威浪潮持續逾四個月,港鐵跌入暴風圈之內,全線重鐵車站,多達85個受到示威者毀壞,比率達九成;服務亦因此在本月5日全日暫停,翌日亦只能恢復45個車站服務。
港鐵主席歐陽伯權接受專訪時指出,即使港鐵服務未能回復百分之百的功能,仍會堅持在安全情況下重開車站,「即使做唔返100分,做到90分我哋都照開啦,有限度服務總好過無服務。」
(歐陽伯權專訪3之2)

延伸閱讀:

(歐陽伯權專訪3之1) 【專訪】港鐵連環封站 主席歐陽伯權:對市民造成不便致歉​

(歐陽伯權專訪3之3) 【專訪】港鐵兼上市公司及公營機構 歐陽伯權:可檢討「怪架構」

10點就收車唔係特登想大家唔方便,唔係特登拖慢嚟做,而係真係需要多啲時間去復修。
港鐵主席歐陽伯權
港鐵本月5日暫停服務一整日後,到6日只恢復約一半、45個車站服務。(香港01制圖)

港鐵近期因設施受損,不時作出封站決定,即使重開車站亦要「提早收車」,只服務至晚上10時便要全線停止服務,稱為要進行維修,僅機場鐵路可維持正常服務時間。

多個港鐵站遭受破壞。(資料圖片)
+1

重申維修工作非「拖慢嚟做」

歐陽伯權接受《香港01》專訪表示,港鐵接連受到攻擊,不少車站設施的備用零件已耗盡,需時間訂購。他指,近日港鐵每天都提早停止服務,正好反映設施損毀、需要維修的難度大增,「10點就收車唔係特登想大家唔方便,唔係特登拖慢嚟做,而係真係需要多啲時間去復修。」

他向管理層提出要求,只要在安全的情況下都應提供服務,「我會要求大家,即使做唔返100分嘅服務,如果做得返90分,不如都照開返,因為有限度服務,好過無服務。」歐陽伯權稱,港鐵員工每天都有大量的日常維護工作要做,現時加上額外的復修工作,工作量的確加倍兼費時。

感謝員工不放棄:未曾見過如此敬業員工

不少港鐵車站本來只得極少量員工在內,歐陽伯權承認單靠職員難以阻擋設施被破壞,「佢哋只能匿喺控制室、休息室入面,等候救援,聽住出面打爛嘢嘅聲音,佢哋真係會驚。」但他說,港鐵員工近期承受極大壓力,但員工士氣並無特別低落,「士氣反而仲係好高,我42年嚟嘅工作生涯,未見過咁敬業嘅員工,我真係好多謝佢哋、敬佩佢哋,佢地從來都無放棄過服務香港嘅精神,尤其係呢個最艱難時刻,仍然有keep Hong Kong moving嘅精神。」

至於車站安全問題,歐陽伯權指已增聘大量保安協助維持秩序,由過去的百多人增至現時約千人,但他承認這些保安人員只能處理跳閘等問題,倘遇到有人破壞的確不能應付,最終鐵路安全仍要依賴警方,「我希望可以到我哋員工又或者乘客安全感,令佢哋工作時、使用鐵路系統時,會覺得行入去、用緊一個安全嘅系統。」