回南天來臨，天氣焗熱，市民想「慳電」有何方法？有「慳電大師」之稱的前天文台台長林超英去年平均每日只用4度電，一年電費僅約1,300元。他分享兩個節能貼士，包括減少沖熱水涼，改沖「室溫水」；以及減少開冷氣，倘要開，亦可調至27至28度「冇叫大家都一定唔開冷氣，熱到暈我都實開，環保唔使搵命搏！」

林超英又分享，他亦試過不敵潮濕天氣，春天時要開多幾日抽濕機，導致用更多電，「濕係好難處理，你又要開抽濕機，又唔可以關窗焗死自己。 所以中間要平衡，我就被個天打贏咗。」

用6吋直徑風扇仔吹頭和吹身能有效降溫

林超英表示，天氣炎熱時，只要保持室内空氣流通，使用風扇吹頭和吹身，並用百葉簾遮擋陽光，已能有效降溫。「我最流行講, 用六吋直徑，或者15厘米直徑的風扇仔，咁你就唔會覺得熱。」

炎熱日李開冷氣調校至27、28度：環保唔使搵命搏！

但他表示，如天氣實在炎熱，仍可開冷氣，「冇叫大家都一定唔開冷氣，熱到暈我都實開，環保唔使搵命搏！」他建議倘要開冷氣，可以調校至27度甚28度。

你可以覺得好奇怪，但全世界，包括日本，好多地方都定27度、28度作為室内溫度標準。日本得，香港都得！

籲少沖熱水涼　24分鐘已用4度電

除此之外，他又建議市民少沖熱水涼，改沖「室溫水」。他解釋，熱水爐耗電量可達「一萬火」，以沖24分鐘計算，已經使用4度電。

林超英又分享，他春天時用電量最多，因為天氣潮濕，難免開多幾日抽濕機。「濕係好難處理，你又要開抽濕機，又唔可以關窗焗死自己。 所以中間要平衡，我就被個天打贏咗, 為咗抽濕用多咗電。」

連續5年因用電量低而獲中電100元消費券

林超英分享，他去年平均每日只用4度電，一年電費僅約1,300元。他更連續5年因用電量低，獲得中電100元消費券，笑稱是一個鼓勵。

因為我哋嗰啲搞環保嘅人，或者我哋為咗救地球而用少啲電嘅人，平時畀人哋話係傻㗎嘛，但係呢度有人獎我哋喎！嗰個獎勵鼓勵係一個好大作用嚟㗎。