一年容易又中秋，但對於澳門十月初五街月餅老店品芳餅家來說，這年可謂並不容易，去年中秋前經歷天鴿風災，嚴重水浸將地舖木櫃及設備浸毀，光是清理及重購器具就花近20多日才復業。老闆陳生曾一度打算結業，最後決定咬緊牙關花數十萬翻新店舖，希望重新上路。經過一年，餅家又再迎接中秋高峰期，換上煥然一新的面貌，一切重上軌道之際，上周又迎來颱風山竹的吹襲。然而今次餅家已早有準備，陳生指店舖換上新裝並非「貪靚」，而是因應屢次水浸而特別設計，「最重要衛生、企理乾淨，客人食都有啲信心」。攝影：羅君豪撰文：魯嘉裕
去年颱風天鴿襲澳，十月初五街成為其中一個水浸重災區，商戶損失慘重。其中包括80年老店品芳餅家，洪水衝入店舖浸毀月餅、焗爐及電器，店內頓成一片廢墟，光是執拾垃圾及清理泥濘已花超過兩星期，「雪櫃都掉咗四個」老闆陳生說。（羅君豪攝） 品芳餅家於水浸後停業近3周後終於復業，但除了錯失中秋旺季不少生意，老闆預計重新裝修更要花上超過30萬，一度考慮結業，然而最後仍決定咬緊牙關。（羅君豪攝） 「一係唔做，一係下決心做落去做好啲，將個佈局重新包裝，沖個涼著件新衫出黎見人，既然仲有能力就繼續上路」陳生說。（羅君豪攝） 品芳餅家於2008年已經歷過黑格比風災水浸，當時亦有向政府借貸，陳生指剛於天鴿來襲前才還清債務，不料債台再築，「借完又還還完又借，有排幫佢做」。（羅君豪攝） 陳形容，當時店內滿佈泥濘，店內食材如蓮子、紅豆等散落一地，雪櫃亦被沖出街外，工場更猶如「黑洞」，堆積如山的雜物東歪西倒，四部焗爐亦全數報銷。（羅君豪攝） 「我哋防水意識已經好高，執貨已經執到張檯咁高，如果你（政府）早啲提出，但我哋無做功夫，我哋唔會怪你，但你冇提出，我哋咪睇你頭，以為做番平日普通準備咪算，點知會咁厲害」陳生說。（羅君豪攝） 餅家於去年中秋前停業二十多日，停業期間正值賣月餅旺季，餅家因而失去不少生意。（羅君豪攝） 今年中秋前夕正值颱風山竹來襲，汲取過天鴿教訓，陳生今年於山竹來襲前已盡早將訂單完成，不會留下太多存貨。（羅君豪攝） 翻新時已在門外加裝1.7米高的水閘，另外又於前一日將物品搬上閣樓，務求將損失減到最低。但部分大型電器如雪櫃及焗爐等則無法搬走，「搬得郁就搬，搬到就係你嘅，搬唔到就佢嘅」陳生說。（羅君豪攝） 山竹來臨當日，澳門多處，包括十月初五街在內出現水浸。（羅君豪攝） 今次水深為1.5米，陳生估計洪水由兩旁牆壁滲入，兩個焗爐被浸及，但因早作準備將店舖物品清空，店員用水喉清洗店舖時仍比去年方便。（羅君豪攝） 陳生認為「已經比舊年好」，又指「錢搵唔哂嘅，做生意都係想搵錢啫」。（羅君豪攝）