網購外國名牌無難度 1分鐘Farfetch 教學（網頁版）
成日都心思思買番一兩件名牌子嘅衫褲，又怕上網買會買到假貨，或者買到返黎又唔啱着！既然係咁不如就等小編教你用【網頁版】FARFETCH 買衫又買鞋，來一個購物之旅！
Farfetch 係一間囊括世界各地多達700間品牌嘅網上商店，所以大家較為熟悉嘅名牌子都可以喺呢到搵得到！
1. 首先去到Farfetch 網頁，會見到分別男女性導向嘅頁面，咁如果女朋友想買野俾男朋友就揀去SHOP MEN
2. 見到主頁就可以選擇返選擇「log in」或者 「sign up」，小編就一齊同大家註冊個帳戶先！如果唔想「sign up」 先就可以揀左上角地區轉咗香港先！
3. 最方便就當然係連接番Facebook帳戶，或者可以填返右手邊「New Customer 」嘅資料，剔選番想唔想接收由Farfetch發出有關新到貨品、減價貨品等電郵，再撳「Register 」
4. 去番主頁之後可以揀番產品類別或者鍾意嘅設計師去搜尋佢地嘅產品
小編額外Tips：喺Farfetch 入面你可以揀「Trending」睇埋不同潮流介紹文章！
5. 睇啱嘅貨品可以加個星號俾佢，就唔怕就到搵唔返，更加方便自已睇想買嘅衫褲。
小編碎碎念：如果見到揀選咗嘅產品賣晒，唔好灰心！可以撳落「Email me when it’s back」有補貨個時就會Send個電郵畀你！
6. 小編就決定買褲先！你可以揀選「View the look」睇產品大圖，睇落啲就可以睇埋產品細節，包括相中模特兒身高同佢着緊嘅衫、仲有有關運費同退貨需知。決定好Size就可以「Add to bag」!
7. 去到「SHOPPING BAG」就可以睇到額外嘅運費，不過如果你好似小編咁會買多過兩樣野都已經可以免運費！
8. 「Go to checkout」埋單啦！
9. 咁香港地區就會用送貨形式，郵遞到你填寫嘅地址，填好就可以「Save and Continue」，而喺香港地區提供四款付款方式：支付寶、微信支付、PayPal、信用卡
10. 最後就可以睇番成張訂單同寄送地址有冇問題，就可以畀錢啦！成功付款就可以點選去右上角，帳戶位置「MY ACCOUNT」再Click「ORDERS & RETURNS」就可以睇番訂單物流資料！
嘩！咁多款靚衫靚鞋，睇到小編花多眼亂！聽日先再教大家點樣用手機App，等你去到邊都輕鬆買嘢！