網購攻略
香港蘇寧清倉大減價 最抵買竟然係化妝同護膚品？
撰文：莉莉安
出版：更新：
提起蘇寧，相信大家第一時間都會諗起電器同電子產品，但你又知唔知除電器以外，蘇寧其實連化妝護膚品、母嬰產品，甚至超市食品同日用品都有得賣！不過呢啲統統都只能喺網上購買，最近蘇寧官網正好做緊清倉大減價，部分產品更係低至1蚊！係1蚊啊！即刻跟住小編一齊發掘抵買好物啦！
（香港蘇寧網站截圖）
雖然蘇寧主要係售賣電器，之不過家電同手機等等嘅電子產品未必時常需要買，加上今次清倉主要集中做日常用品嘅優惠，所以小編今次就為大家搜羅咗十款意想不到咁抵買嘅item，部分個位數字價錢已經可以入手！
價錢平得咁緊要，好多朋友都擔心會唔會買錯過期貨，不過小編就check過一次，所有貨品嘅有效期都係去到2020，或2021年，大家可以放心入手！另外𠵱家只要買滿HK$249，就可以免運費送到家門口！
唔想錯過任何網購限時優惠？立即 Like 《一網打盡》Facebook專頁同加入Telegram Group啦！你仲可以拎到獨家優惠碼及禮品𠻹！