【拍拖要考牌#3】大學生投稿求救:女友話同我相處唔自然點算?

撰文:芝芝妹妹
出版:更新:

愛情求生手冊!情路上陷阱處處,一不留神激嬲男/女朋友,從此過著慘痛的生活。香港地豈止生仔、擔遮要考牌,《開罐》為各位愛情新牌仔,增加情場求生技。
📧 如果你遇上感情難題,可以email到opener@hk01.com,《拍拖要考牌》會邀請專家免費為你解答。 📧

《耀眼》劇照

最近《開罐Opener》收到署名S的讀者來信。S是位男大學生,拍過2次拖,雖不是A0,但S指自己不善與女生相處,甚至曾經被前女友指「同你相處好唔自然」。S自覺不太懂搞氣氛,故投稿向專家求救如何與女生相處,以下是來信全文:

Hi 戀愛專家:

睇到你地 A0 Grad 個 Facebook Post 我就想搵你地傾下我嘅問題。

我就唔係A0,拍過兩次拖。但其實我覺得我都唔係真係好識同女仔相處。第一次拍拖喺中學嗰陣,雖然拍咗三年,但嗰陣大部分都係個女仔Carry 我;第二次拍拖喺一年前,但拍咗三個月就散咗,個女仔話「同我相處好唔自然」。

我好記得呢句說話,慢慢都覺得可能因為咁而咁快散,喺度諗緊係咪我問題。因為我覺得我同女仔相處,唔似得同男仔咁有共同話題,有時都會唔知講咩好,然後夾硬搵野講嗰陣會仲搞到怪。

我係啲識應人,但唔係太識開話題同搞氣氛嘅人。畀到一個明確嘅話題我發揮都Ok,但要我例如食飯嗰陣,無啦啦諗嘢講,甚至引對方笑,就唔係我強項。拍拖嗰陣都係講自己嘢同埋同佢啲嘢。平時都有女仔朋友,不過都唔算太熟,起碼佢地最熟嘅Group一定唔包括我。

其實有咩方法,可以令到個氣氛更加好?令到女仔覺得同我相處係自在(因為我覺得相處嘅好大部分,都係在於溝通上)?
一對合襯嘅情侶相處嗰陣,會講咩或者點樣令到大家越傾越開心?

雖然你個Post 話 A住Grad 都唔係壞事,但我都係唔想A住Grad。(哭) 
有冇咩建議畀到我去解決以上問題?

謝謝你啊!

By S

《耀眼》劇照
無可否認幽默的男士較受女性歡迎,但這不代表不幽默的男士便毫無市場,只要平時與女生相處不那麼嚴肅,談東談西便可以了。當然,討論較深入話題時便不要太輕佻,說無謂的冷笑話。
黃嘉如 - HKRD配對顧問

專家:交談時應留意女生反應

前新聞主播兼HK Romance Dating極速約會公司創辦人黃嘉如 (Yubi) 指,看情況S的核心問題是內涵與同理心不足,以致要硬找話題。她建議S平時多留意時事及市場資訊,那他便能跟女生自然地交談,就如最近流行「童顏app」,假設他不玩,也能與女孩子討論一下。

Yubi亦建議,S不妨多看書與電影,那平時就能輕而易舉展開話題,女性都較欣賞知識豐富的男性。此外,S在交談時宜多留意女生反應,例如S自己所講,最後是女方主動告訴他,他才知道對方相處時感到不自然,顯然平時沒留意女方「眉頭眼額」了。

▼▼▼▼點擊看專家5大貼士▼▼▼▼