【出Pool補習班#8】單身男與女同事曖昧 掙扎應否告白 專家話…

撰文:芝芝妹妹
出版:更新:

不許你注定一人!補習班宗旨,拯救一眾仍在池中浮沉,未能出Pool的苦海眾生!企硬,向A0單身畢業說不!
如果你遇上出Pool難題,可以email到opener@hk01.com,《出Pool補習班》會邀請專家免費為你解答。

《大力女子都奉順》劇照

最近《開罐Opener》收到署名「等待出pool嘅高佬」的來信。「高佬」指自己暗戀一位其他組的女同事,大家關係介乎互相觀察到曖昧之間。女生有應男生約,一起放工後食飯看戲,雖然見面溝通無問題,但女生少和「高佬」傳短訊,未如見面熱情。讀者「高佬」未知該如何定義彼此關係,以下是來信全文:

致《出Pool補習班》:

你好,小弟有出pool難題希望得到一啲幫助。
是咁的,小弟想追一位唔同team,而且唔係成日見到面嘅女同事,佢細我7年,性格爽朗,有啲粗魯,我就係鍾意佢不拘小節,以我所知佢應該同前男友拍拖6年,單身半年。
我哋而家嘅關係介乎互相觀察到曖昧之間,又未到曖昧。因為大家都鍾意Avengers,所以之前已經約過出嚟一齊睇《Marvel隊長》同《復仇者聯盟4》,而且都試過大家一齊約收工食飯,基本上如果佢得閒都會應約。有時我會話等佢收一齊走,佢都會接受我等佢。我哋見面溝通冇問題,會互相打鬧互整,不過佢好少主動message我,Whatsapp都係三四句完結,未如見面咁熱情。
問題嚟喇,我都明可能女仔(尤其爽朗女仔)咁樣對男仔好正常,但我應該用咩心態去面對呢?繼續當普通朋友先溝通?還是當一個追求者?而現階段佢又係點諗我?可以幫我分析一下嗎?
謝謝🙏🏻

一條等待出pool嘅高佬敬上

《大力女子都奉順》劇照

Speed Dating Fever 負責人Frankie Wong 建議「高佬」可以作進一步行動,「首先佢對你起碼沒有反感,都會同你出街,所以我建議你可以作進一步行動」,Frankie舉例,「例如重要節日嘗試約佢,最近應該是中秋節吧,又或者去做一些比較容易建立感情的活動,例如去一整天的主題公園,又或者試吓約去酒吧傾計」。

《大力女子都奉順》劇照

對於和女生傳短訊的問題,Frankie表示應直接約見面。「不肯定他為何與你甚少WhatsApp,有可能他不喜歡打字,亦有可能你的話題太悶,吸引唔到佢同你熱情咁樣WhatsApp,如果你在這方面不是太吸引到佢,就建議你直接約佢見面好了」。

《大力女子都奉順》劇照

「她是甚麼心態很難判斷,但是如果你進一步暗示的話,相信很快可以了解她的想法,到時再決定下一步應如何做」。Frankie續說,「例如你暗示之後,佢好反感,你就應該要keep住普通朋友先再等機會。相反如果佢很受落,你就應該要大膽再進一步行動」。

【香港01 X ICMA大專聯校歌唱比賽2019】JW王灝兒首次擔任大專聯校歌唱比賽星級導師及決賽嘉賓,賽前教授學生擺脫「發台瘟」秘技。6.26晚旺角麥花臣,約定您!一同見證大專歌王誕生

購票詳情:
門票價格 -$130/$150
<購票請按>