前老師失業4個月寄CV無回音 自嘆零技能難轉行 網民揭2大原因
教師向來被視為高薪穩定的鐵飯碗職業,但近年香港面臨殺校及縮班潮,不少老師都面臨失業或轉行困境。近日有曾任教師的網民在社交平台發文,大嘆自己已失業接近4個月,寄出無數求職信卻石沉大海,想轉行又發現自己猶如「零技能」,自我價值跌至谷底,帖文一出隨即引起網民熱議。
老師失業4個月求職無回音 嘆轉行「零技能」
該名網民在Threads發文,透露自己已失業近4個月,每日只要見到學校有空缺便會立刻寄出履歷,可惜全部無回音。期間亦曾嘗試到補習社面試,但僱主普遍擔心前日校老師只是「騎牛搵馬」,擔心做不長久而不願聘請,甚至有補習社要求簽署長達3個月的通知期。
面對求職處處碰壁,樓主坦言若要轉投其他行業,市面上的文職起薪點普遍只有萬多元,與教師昔日的薪酬落差甚大,令她難以接受,無奈感嘆:「依家覺得自己0價值,越嚟越冇信心,老師呢行跳出嚟好似真係0技能,由頭學起好難搵到嘢做,就算有都要接受14k左右嘅offer。」但慶幸自己尚有積蓄,「都叫仲捱到多一陣,唔係真係一早餓死」。
網民嘲老師是「溫室小花」
帖文亦引起熱議,部分網民認為教師行業猶如「溫室」,脫離社會現實,「恭喜你發現老師呢個行業本身就係溫室,你出去做幾年嘢收萬零二萬蚊都係做到隻狗咁,你就會明點解個個都話老師係身在福中不知福」。
亦有人指出11月非學校招聘旺季,加上僱主要求3個月通知期其實十分合理,「三個月通知期係你對僱主嘅投名狀嚟,如果唔接受即係同人坦白你就係騎牛搵馬,咁人哋又點會放心」。
過來人撐教學能力屬專業技能
不過,亦有大批網民及同行留言為樓主打氣,反駁「老師零技能」的說法,「唔好因為人哋話你零技能就睇低自己,教學能力本身都係一種專業技能,只不過未必直接用到喺其他行業,就算做醫生去第二度考唔返個牌咪又係一樣。」樓主亦深表認同:「每日喺三十幾人前講足4個鐘,寫教案、改簿、處理學生情緒、危機處理,何嘗唔係一種技能?」
至於出路方面,不少家長及過來人建議樓主不妨考慮轉做私人補習,表示「前日校老師」的銜頭在私補市場非常吃香,「我之前幫囝囝搵上門補習,都好多係前日校老師出嚟教,至少我會特登揀」、「做私人補習啦,我之前都搵到30k,唔使交稅,做埋自媒體就70k」。亦有成功轉行創業的前教師同行留言鼓勵「起步時都曾經覺得自己係零,但記住你嘅價值唔係由身份去定義,希望你振作」。
政府新例引入執業證 教師每3年須續牌
事實上,教育界的入職及執業門檻近期亦進一步收緊。政府日前(13日)將《2026年教育(修訂)條例草案》刊憲,正式引入「教師執業證明書」制度,規定全港公帑資助、私立、國際學校及幼稚園的教師與校長均須持證任教,並每3年續牌一次。在新制下,教師續牌前36個月內須完成至少60小時持續專業發展要求,並須申報刑事紀錄及聲明維護專業,若犯下國安罪行者更會被自動「終身釘牌」。
雖然條款「加辣」,但根據政府最新數字,學位教師起薪點達$35,780,即使小學學位教師(基本職級APSM)頂薪為$69,205,若晉升至高級小學學位教師(SPSM)或中學學位教師(GM)頂薪亦高達$83,140,在可觀薪酬吸引下,教師依然是不少人的理想職業。