【棟篤特工】喜獲子華認證頭號Fans C君︰佢令我以幽默去看世界
撰文：羅偉強
出版：更新：
農夫可說是近期最紅的香港組合之一，皆因大家在他們跟Do姐鄭裕玲主持的《Do姐再Shopping》中，再次展現了超強的幽默感，令大家都愛上這對新一代笑匠。但原來笑匠的偶像也大有來頭，今天（2月4日）在《棟篤特工》的發佈會上，C君就不只一次強調自己的偶像是子華。
C君從小就喜歡子華神，今次合作既敬且愛。（黃浩晉攝）
C君是有名的子華神fans，對於子華在棟篤笑或影視作品的對白，都倒背如流。而因為今次合作，已得到子華本人認證。C君：「子華有次話有啲對白，連佢自己都唔記得，但我都可以背出嚟。雖然佢唔記得，但憑我講出嚟嘅語氣同演技，可以相信佢自己真係有講過。」
有得同偶像子華合作，C君老套啲都要講句︰「真係學到好多嘢！」（劇照）
能夠得到子華的認同，作為fans的C君都相當高興。到底C君由甚麼時候開始迷上這位「神」呢？「我同陸永唯一嘅共同偶像就係黃子華。佢係香港引入棟篤笑嘅人，令我同陸永細細個知道原來有樣咁勁嘅表演！細細個冇錢睇就買VCD睇，大個之後場場show都會睇幾次。我咁崇拜佢，係因為如果冇佢，香港就唔會有棟篤笑！仲要作為第一個喺香港搞棟篤笑嘅人，佢已經可以做到咁好！」從C君的說話可以知道他到底有多崇拜子華神，相信今次能夠與神同行一起拍戲，對他來說都是不可多得的機會。
雖然談不上英俊﹐但C君憑其幽默感令不少人喜歡上他。（黃浩晉攝）
由農夫二人的說話方式與主持風格看來，從小到大的耳濡目染相信子華神對他們都影響很深遠：「子華對我嘅思考方式好有影響力，令我對看待事情可以用幽默嘅方向去睇。當有唔如意或憤怒嘅時候，可以用取笑嘅角度去睇。」原來就是子華神給了C君這種笑看風雲的幽默感，難怪農夫在面對不同的問題都可以用搞笑的方式應對。