【打死不離歌星夢】天后級歌手神秘獻唱主題曲　其實一聽就估到！

又係印度劉德華登場時，今次阿米爾汗（Aamir Khan）又有最新作品，今次唔打摔跤，轉玩唱歌《打死不離歌星夢》(Secret Superstar)。 故事講述少女幪面歌手變身網上爆紅「神秘巨星」，卻面臨重重考驗，並從中醒覺親情可貴！而為迎合神秘巨星呢個點子，電影公司便找來一位香港天后，神秘獻聲，唱出港版主題曲《歌聲如初》。

至於呢位神秘歌手，電影公司一直沒有透露，只肯透露是一位久未發表新歌的香港歌手，今次係特別為電影獻唱廣東話版主題曲《歌聲如初》，從中唱出母女之間最單純如初的感動！為跟足電影情節，歌手的身份暫時唔公開，今日只發放30秒預告，等大家聽下。並將於4月初將有全整MV面世，為你揭曉這位「神秘巨星」到底是誰？不過只要你有留意下流行歌壇，都唔難辨認呢位歌手，大家不妨聽聽。