【復仇者聯盟3】家燕姐自認係十字步女俠 明言會堅守無限寶石
撰文：林穎嵐
出版：更新：
近排熱映的Marvel超級英雄片《復仇者聯盟3無限之戰》，在網上掀起熱話，不少fans看過電影後都希望得知剩下的無限寶石到底在哪裡？結果網民真係極有創意地解答fans疑問，而個答案就係：「喺家燕姐」度！
真係好有創意。（網上圖片）
雖然呢個只係網民講笑，不過「家燕媽媽」薛家燕日前受訪時卻表示， 「如果電影公司想搵我拍《復仇者》系列，我會好好考慮！」較早前KOL「King Jer」更在facebook專頁出post指，「原來第七粒寶石坐落於香港女神家燕姐額頭上，最終遭 Thanos 成功搶奪，Nancy 隨即露出痛不欲生表情，雖然只得幾秒鏡頭，但觀眾看得咬牙切齒，大讚 Nancy 演技搶鏡。」
King Jer都忍唔住要share。（網上圖片）
不過最有趣的是，在King jer出post後，家燕姐的facebook專頁「薛家燕 Nancy Sit」又出post回應。她上載了一張寫上「CAPTAIN NANCY THE NEXT AVENGER」的海報，留言指「大家請放心，粒寶石仲係我度 我會全力保護池力共鎮 唏呀唏呀唏 唏呀唏呀唏…團結一心有新轉機 兄弟姊妹們，請賜我力量 下集見！」向來都勁玩得的家燕媽媽，今次真係勁佩服你！
家燕姐好玩得！（網上圖片）