【周末午夜場】《低俗喜劇》變神預言 彭浩翔︰唔想成日做預言家
撰文：許育民
出版：更新：
今晚（7/7）深夜1:40am，翡翠台會播映《低俗喜劇》（2012），該片當日以港產片最粗口之作為賣點，將廣東話粗口放進電影內，發揮得淋漓盡致。
雖然已經安排在深夜時段播出，但礙於尺度問題，定必刪到體無完膚，但不等於就毫無看點，事關經過上月的道具銀紙案後，灘叔為道具銀紙辯護的一句︰「假又話我哋港產片唔認真」成了最夭心的預言。
雖然《低俗喜劇》入面啲粗口場面係好笑，但呢套戲冇粗口都一樣好笑。（劇照）
於今年5月底判刑的道具鈔票案，道具公司男東主張偉全，因被搜出涉及22.3萬張不同國家的「道具銀紙」，被裁定罪名成立，成為香港首宗因管有「道具銀紙」作拍攝用定罪的案件，判監4個月，緩刑2年。對於事件，業界表示震驚，不過同日網民就將《低俗喜劇》灘叔為拍攝「打麻雀」戲辯護的片段神切入，將電影昇華至預言級別。
套戲低俗得來又幫鄭中基同DaDa拎到最佳男女配角獎，真正雅俗共賞。（劇照）
【金像獎2018】鄭中基好戲又夠義氣 杜汶澤爆暴龍哥原本唔係佢演
DaDa因為一部《低俗喜劇》，晉身演技行列，更為大家創造了一句潮語︰「多謝高登先！」
有日本狂迷，已經用VR技街，初步研究男性自愉遊戲。（網上圖片）
《幸福起航》指日可待
其實《低俗喜劇》是講香港電影人掙扎的故事，鄒凱光飾演的導演，因為冇工開，為生活要開非法賭檔，但為免被警方搗破時無言以對，於是擺定一個拍戲局，令整個場口都來得理所當然。當日睇到大家笑唔停，但事發後就帶點傷感。甚至連導演彭浩翔都在facebook出文講句︰「我唔想成日做預言家。」
若果《低俗喜劇》真係成為預言書，個人最希望下一回成真的唔係音音姐會拍三級片，而且陳靜（DaDa）在戲中研發為男性自愉的電子遊戲《幸福起航》可以正式登場。其實這個亦非笑話，事關早年已經有日本網民用VR加機動的自瀆器，製成一個概念式的體感遊戲，雖然未成真，但真係指日可待，最好就用DaDa的千手觀音形做封面。
如果遊戲成真，記得用番呢個遊戲名同封面。（影片截圖）