燒焊工人激似劉德華 唱《愛不完》吸64萬粉絲
撰文：陳穎思
出版：更新：
普通人同明星撞樣並非新鮮事，身邊仲有一、兩個人俾人話似某某演員或歌手，最近內地有位燒焊工人被指激似劉德華，佢仲扮埋天王把聲大唱經典名曲《愛不完》，狂吸64萬粉絲！
「丫東哥」被發現激似劉華後，紅到被女粉絲集郵！（網上圖片）
這位燒桿工人名叫「丫東哥」，一頭金髮似在模仿劉華在90年代尾至2000年初的造型，「七三面」角度的確與本尊幾可亂真。而他不止外貌相似，連劉華的歌聲都扮埋，拍下一段高歌《愛不完》的影片，見他Chok樣又Chok聲地模仿，那一刻他應該以為自己真的變成劉華。
點擊下圖睇吓燒焊劉華究竟有幾似劉華本尊
+7
「丫東哥」在抖音平台的粉絲數高達64萬，拍得住一眾藝人。（網上圖片）
其實「丫東哥」爆紅都要多謝網民，他在內地短片社交App「抖音」上載平日開工燒焊的短片，被網民發現他與劉華撞樣，一傳十、十傳百，越來越多人關注這位「燒焊界劉華」，而「丫東哥」又漸漸覺得自己真係有幾分似，就扮埋劉華唱歌，粉絲人數急增至64萬，仲成功被推到「上報」！小編就話劉華以後拍戲想搵替身，又多一個人選。
網民留言替「丫東哥」不值。（網上圖片）