【麥路人】岑日珈拍戲被嫌唔夠逼真 遭導演掌摑:打到我下巴甩骹

撰文:林迅景
出版:更新:
岑日珈有份拍《麥路人》,算係新演員,今次仲要做一個大肚婆添。(葉志明攝)

電影《麥路人》的卡士陣容鼎盛,郭富城、楊千嬅、張達明、鮑起靜、萬梓良真的位位都是好劇之人。不過戲中亦都不乏一些電影新面孔,其中戲中飾演一名臨盆孕婦的岑日珈可算得上是傾力演出。要說的不是戲中如何揣摩角色,如何為角色去做準備又或是拍電影如何沒日沒夜的工作,而是純粹因為《麥路人》中的一場戲去介定她是「搏老命」的演出。

岑日珈拍戲時仲俾對手連摑十幾下。(葉志明攝)
+9

岑日珈接受《香港01》訪問時說:「我同顧定軒係最多對手戲,因為我哋係一家人,喺戲入面係好唔啱㗎,就好似現實好多嘅家庭咁好錫對方,但係把口就成日惡言相向,表面上好唔鍾意,但係內裡係好愛對方。」

岑日珈回憶一場最深刻印象的拍攝場口:「有一幕我要俾軒仔摑,我喺戲入面我係佢長輩,佢好唔妥我嘅時候去到一個位,就好似而家年輕人咁就摑我囉。當然一Take過就唔得啦,Take咗10幾Take,個感覺好真實,因為拍完之後真係發覺個牙骹移咗位。(10幾Take咁多?)因為佢錫住我啫,佢係從來未打過女人嘅我仲叫佢:『你嚟啦,放膽打我。』後尾因為佢唔夠膽打,導演就親身示範,就好大力咁我,哈哈,嗰時我直頭係呆咗,仲標眼水想喊。打完之後去仲發現下巴移咗位要去推返正。」雖然如此,但岑日珈也表示沒因此而不開心,並謂只是角色需要,「新演員當交學費學下嘢」咁話。

+3