周星馳怕鬼唔敢一個人瞓 田啟文︰臨瞓前佢仲唔准我做一樣嘢

撰文:許育民
出版:更新:

田啟文(田雞)日前接受新城電台節目《詩情廿四味》主持倪詩蓓訪問,大談跟星爺周星馳合作點滴,期間主持人倪詩蓓問到一些星爺秘聞時,田雞就大爆星爺每次出埠拍戲,最怕就是要一個人瞓,所以經常逼田雞跟他同房不特止,臨瞓前仲唔准佢做一樣嘢,究竟係乜事?

田雞日前到新城電台接受訪問,談到跟星爺合作趣事。(陳順禎 攝)
在《回魂夜》入面,星爺飾演捉鬼大師Leon天不怕地不怕,原來跟現實有段距離。(《回魂夜》劇照)

絕對不可以熄燈瞓

雖然星爺有拍過《回魂夜》,戲中角色Leon天不怕地不怕,連屎都唔驚,但其實都係角色營造,星爺本人就非常怕黑。田雞︰「因為佢怕黑,所以同佢去外地拍戲住酒店,都會搵我同房。」回想第一次同房,星爺瞓房田雞瞓廳,臨瞓前田雞唔知「規矩」走去熄燈瞓,結果一熄星爺就從房衝出嚟。「佢問我做咩熄燈,原來佢怕黑,但又唔想開自己床頭燈,所以就要我開燈瞓,要見到我先安心。」

+1

拍《整蠱專家》出意外?

講到這裏,主持人倪詩蓓就驚爆一個傳聞,話說當年她當傳媒時,主持一個靈異專欄,曾經從劉德華口中聽到一個跟星爺撞鬼的經歷。倪詩蓓︰「當時他們正在拍《整蠱專家》,有一晚拍到好夜兩人都覺肚餓,剛巧有個十多歲的細路經過,於是就問他可以代為買外賣?細路見眼前是兩大巨星,二話不說跑去買並指定要請二人食。」

田啟文上倪詩蓓主持的節目《詩情廿四味》接受訪問,同時倪詩蓓也回饋一個星爺撞鬼故事。(陳順禎 攝)
周星馳曾經跟劉德華合作無間,又《賭俠》又《整蠱專家》。(《整蠱專家》劇照)

如事者二人吃得滿足,不過去到翌日,華仔打開報章時當堂尖叫起來。「佢睇到報紙話日前片場附近發生致命車禍,而刊登出來的死者相片,正是當日叫他買外賣的細路。」這個故事聽得聽眾心寒,而田雞坦言未從星爺口中聽過這個經歷,還稱有時間要致電他追問。到底是真是假,有機會要待星爺同華仔親證。