《第43屆香港電影金像獎》今晚（27/4）隆重舉行，除各獎項競爭激烈外，頒獎嘉賓都令人驚喜萬分，除了有神級影后最佳編劇林青霞坐陣外，張家輝和陳法拉更以電影《贖夢》中「蔡辛強」和「紀慧玲」造型現身，真是「估佢唔到」。

張家輝和陳法拉在今晚負責頒發「最佳編劇」，兩人代入戲中角色，以短劇方式登場，紀慧玲（陳法拉 飾）問：「老公，呢度邊度嚟㗎？無人嘅？」蔡辛強（張家輝 飾）表示：「唔係啊，有幾個喺度啊，我睇佢哋好似係做電影個喎，但點解佢哋今日著到咁低級嘅？」紀慧玲突然尖叫：「啊！我睇到啦！（睇到咩啊？）阿痴啊，個個都係阿痴啊！」蔡辛強叫紀慧玲冷靜一點，「妳睇吓，其實佢哋一個、二個同我哋自己人嚟㗎，鍾意電影嘅個個都痴線㗎！」此話一出，令人現場嘉賓哭笑不得。