萬眾期待的《尋秦記》電影版，由古天樂擔任總監製，吳炫輝與黎震龍執導，古天樂、林峯、宣萱、郭羡妮及滕麗名領銜主演，將於2025年12月31日登上大銀幕。電影公司陸續發佈多條製作花絮包括NG片段，最新一條講到現代人Ken（苗僑偉　飾）去到秦朝遇到烏廷芳（宣萱　飾），不知所為何事突然對她施壓，以強勁臂彎拉扯到自己身邊，不過就係呢番臂力，搞到宣萱多次企唔隱，失平衡，要不斷NＧ。

花絮片一來，三哥先來全力一扯，宣萱被強行拉到其身邊，結果整個人撞到對方身上，面容扭曲，原來係三哥套盔甲戲服太硬，撞到宣萱應一應，暗暗叫痛。來到第二次再拉，三哥力度依然，加上地面不平，宣萱未能停穩。

去到第三、第四次，唔係太大力再次撞到，就係拉我太埋面對面時太近，忍唔住笑。最終唔知去到第幾Take，終於順利完成，而宣萱亦對三哥的臂彎拋得一句評語︰「有Power！」