陳奕迅、馮德倫今晚（19日）為香港電影金像獎，擔任《最佳原創電影歌曲》頒獎嘉賓，二人亦發揮了攪笑本色，期間陳奕迅更惡搞郭富城「一齊企硬唔take嘢」，當時馮德倫先問陳奕迅：「你都好耐冇拍廣東片，你應該多啲支持香港電影？」

Eason即回：「其實我係……你聽我講，其實我係好鍾意拍戲，因為一齊做嘢好開心。但係我做 tour，過去三年都係一路係咁。（咁你又咁得閒打網球？）你聽我講先，我打網球要 keep fit，keep 住個體重，如果唔係啲衫著唔落⋯⋯（Keep fit？我成日見到你喺個 club 度食嘢喎）你聽我講！一齊企硬，支持香港電影！咁難得今晚有呢個機會，希望大家、在座嘅所有朋友同我一齊，我哋集氣，結集力量，一齊做好嗎？我哋要做一個……我有個好重嘅任，要做一個好盛嘅舉呀！將會成為2026最潮嘅語，導演唔該，大家準備，一齊做，真係一齊做！螢光幕前面嘅朋友，千幾萬人，預備，action！聽我講，一齊企硬，支持香港電影！好，我哋成功咗！Keep 住呢個力量，多謝大家！」