元朗美食|永年之外元朗3間特色車仔麵 必試篤篤車鱷魚湯底麵

撰文:許慧恩
出版:更新:

元朗美食多到數不完,今次就介紹下平民美食車仔麵。相信永年車仔麵個個都聽過,不過近年永年食物質素被人詬病。好彩元朗又點止一間高質車仔麵!《香港01》飲食記者精選3間街坊捧場車仔麵,其中麵之神主打鯛魚湯底、篤篤車主打泰式湯底!

【1】少見日式湯底車仔麵有鮑魚@麵之神車仔麵

你有無食過有日本特色的車仔麵?麵之神主打日式湯底,包括日式鰹魚雞湯底、日式豬骨湯底,麵底有日本葛絲、手打烏冬等;餸菜就有日式磯燒鮑魚、豚肉、溫泉蛋、關東煮蘿蔔等,充滿日式風味。講真記者就無見過食車仔麵配鮑魚,所以一定要試喇,雖然得一隻,不過食下過口癮都好!按下圖即睇有咩餸多人點👇👇👇

+1

麵之神車仔麵
地址:元朗鳳攸南街3號好順利大廈地下20號
電話:2338 4093

【2】特色泰式鱷魚湯底車仔麵@篤篤車

這間是近年冒起的車仔麵店,大廚曾經做過米芝蓮西餐,水準有返咁上下!篤篤車主打坊間少見的泰式湯底,包括鱷魚湯底、冬蔭功湯底,非常特別!鱷魚湯底呈奶白色,非常清甜,仲有茶樹菇、紅棗杞子,有種藥膳湯的感覺。😍😍😍除了湯底有驚喜之外,連餸菜都好特別!按下圖即睇招牌湯底有幾正👇👇👇

+1

篤篤車
地址:元朗馬田路22號安寧大廈地下6號舖
電話:2336 3386

【3】人氣車仔麵辣汁最出色@合興車仔麵

鍾意食辣的朋友不要錯過喇!這間車仔麵算是區內最有人氣的車仔麵,次次去都坐滿人!合興最出名就是辣汁,小辣幾乎等於坊間的大辣,唔食得辣的人千祈唔好大膽地試呀!其實湯底方面就無特別,最重要是靠腩汁調味,食落去超爽!想知餸菜方面邊款最多人點?按下圖即睇👇👇👇

合興車仔麵
地址:元朗安寧路59號裕豐大廈地下A1舖
電話:3486 9208

🤩🤩🤩 同場加映:元朗美食|食街以外4間掃街推介 必試瀑布鰻魚蛋治、高質串燒 🤩🤩🤩

區內人氣爆餡蛋治@龍鳳店

想像不到炒蛋加鰻魚這個組合!這間小店位置較隱蔽,最出名是鰻魚蛋治,仲有鵝肝蛋治、蟹膏蛋治!表面看來不像坊間的蛋治,反而像一大碟炒蛋,原來隱藏在炒蛋下的就是鰻魚同多士麵包。厚厚的半熟炒蛋完全遮住鰻魚同麵包,鰻魚的醬汁不會遮蓋住滑蛋的味道!🍳🍳🍳想知點樣可以再好食啲?按下圖即睇龍鳳店招牌菜👇👇👇

+1

想知仲有咩元朗美食,立即點擊內文👉👉元朗美食|食街以外4間掃街推介 必試瀑布鰻魚蛋治、高質串燒