【燦爛的外母】家燕姐自稱非怪獸外母：會令自己唔開心
撰文：張嘉敏
出版：更新：
家燕姐唱劇集主題曲仲跳埋舞。（張嘉敏攝）
薛家燕與黎諾懿齊出席主演的劇集《燦爛的外母》之「怪獸外母駕到」宣傳活動，劇中兩人的關係勢成水火，但現實生活中家燕姐卻拒絕做個怪獸外母：「我唔會咁做，因為形象唔靚，做怪獸外母成日都諗住啲唔好嘅嘢，會令自己唔開心，好緊張同埋鑽牛角尖。所以唔好諗啲無謂嘢，得過且過人就算，無人係十全十美，自己都一樣有缺點，我會包容，亦會自我檢討係咪有地方做得唔好令到對方唔開心，做人圓滑係好事，令人感覺舒服，相處容易啲。」
薛家燕拒絕做怪獸外母。（張嘉敏攝）
至於黎諾懿就表示即使自己在現實生活中有個怪獸外母，他也不會如劇中所飾的衰仔女婿跟外母作對：「其實我角色嘅出現係想講兩代人嘅矛盾，教育思想唔一樣，看似衰仔，實際上都錫外母嘅。我會包容，無辦法，個老婆係自己揀，始終係一家人。」
黎諾懿感激真外母對他一家人的照顧。（張嘉敏攝）
家燕姐和黎諾懿笑言如果劇集收視好不介意咀咀。（張嘉敏攝）
兩人在台上大玩遊戲。（張嘉敏攝）
+11