【同盟】陳展鵬視帝級演技完美KO星爺 最大驚喜竟然係Joe Junior
撰文：溫菁莉
出版：更新：
TVB熱播的劇集《同盟》昨晚終於落幕，雖然外界對於大結局就似乎唔多受落，但劇中都有唔少感動位，就好似鮑起靜飾演嘅令熊知道仔仔（陳展鵬飾演嘅高子杰）陷害殺死自己嘅妹妹同姪仔，非常心痛。而高子杰亦在令熊面前痛哭流涕，解釋自己為了對方的安全才會這樣做。呢幕最值得一提，一定係陳展鵬的喊戲演技可以話係神級，條鼻涕簡直可以同星爺套《喜劇之王》尹天仇試鏡一樣！
呢場大家有無睇到喊？！
Joe Junior就係其中一名富豪，唔少網友都話好意外，好驚喜！
不少網友都話《同盟》今次嗰結局好似趕收工咁，節奏太快，仲話起碼可以做多5集先完，而矛頭亦指向監製文偉鴻身上，指對方監製的劇集例如《使徒行者》的結局都係爛尾收場。網友當然將去年的《城寨英雄》與《同盟》兩部劇集的結局作比較，大部分都笑言《城寨英雄》雖然都算「爛爛地」，但膠嘅程度一定及不過今次嘅《同盟》，仲稱呼為「神爛劇」，負評慘不忍睹！
但最好笑一定係操控Rainman背後嘅香港4大最有勢力富豪家族，飾演其中一名富豪就係Joe Junior，網友笑言今次監製文偉鴻嘅idea實在太創新，仲話應該搵《四個小生去旅行》中4位小生做4大富豪，順便叫埋Joe Junior彈結他咁就perfect，只能夠話網友嘅編劇功力分分鐘好過一班專業人士！