【星和無綫電視大獎】高海寧何廣沛奪飛躍進步 豬肉獎15個人瓜分
撰文：林迅景
出版：更新：
上年呢兩個豬肉獎有成12個。（網上圖片）
《星和無綫電視大獎2017》有個出名豬肉獎嘅獎項，就係「我最愛TVB電視女角色」和「我最愛TVB電視男角色」，上年總共有12個人拎獎，唔怪知得俾人話係豬肉獎喇。不過今年仲誇張，有成15個人瓜分豬肉獎，分別係蔡思貝、朱千雪、宣萱、唐詩詠、胡定欣、黃智雯、田蕊妮及姚子羚奪得「我最愛TVB電視女角色」，同埋蕭正楠、袁偉豪、黎諾懿、馬國明、曹永廉、陳展鵬及陳山聰奪得「我最愛TVB電視男角色」。
今年拎「我最愛TVB電視角色」獎人數明顯少咗。
至於今年的「TVB飛躍進步藝人」獎項，則由高海寧及何廣沛拿下，今年高ling憑住《不懂撒嬌的女人》飾演一個攻於心計的「港漂」，深得民心，再在《賭城群英會》飾演一個小小天真的程小北，更加得人歡心，所以拎獎都好正常。至於何廣沛，出道短短幾年已經開始當上男主角，其楚楚可憐的小鮮肉形象深得觀眾受落，今次在《超時空男臣》飾演一個公公更加係入型入格，絕對係實至名歸！
兩位絕對實至名歸。