徐榮用十年時間拍處境劇 無發揮唔會認命:演藝路就係咁儲返嚟

撰文:溫菁莉
出版:更新:

近年講起徐榮,可能大家都會記得佢有位樣子十足十洋娃娃的超級可愛的寶貝囡(包包),徐榮早年在處境劇《愛回家》飾演的馬強都十分入屋,是不少觀眾心目中劇集功不可沒的綠葉,最近他在新劇《BB來了》活動中,終於登上了男二的位置。在TVB捱足接近20年才第二次做男二的徐榮都有一番感受,「始終都咁多年,年資方面都覺得自己係慢咗,可能要再勤力啲,係度咁多年都每一步每一步由無對白,變一句對白,一場戲變一集戲咁,唯有係樣樣都做好佢。」

繼《愛回家》後,徐榮終於在新劇《BB來了》做男主角。
+13
林峯同楊怡都係徐榮藝訓班嘅同學。(視覺中國)

畢業於1998年第13期藝訓班的徐榮,同期同學有林峯及楊怡均都變成一線小生花旦再北上搵真銀,他當年見到都好驚訝 ,「初初都覺得嘩!佢地咁快嘅。之後諗下其實每個演員都有自己嘅崗位,我未做主角嘅時候咪做好配角嘅崗位,一樣可以有發揮,無話認唔認命。」終他於在 2007年藉著《同事三分親》中裘俊一角嘗試走紅嘅滋味,加入TVB 10年才遇到一個好角色,意志唔夠堅定嘅人真係可能係頭幾年就放棄,徐榮稱:「初初入行當然有諗過放棄,而家都10幾年,嗰心態已經慣左,覺得自己唔會係一炮而紅的嘅人,係要慢慢黎。」他坦言對於演戲嘅火仲未熄,「我覺得演藝路就係咁樣儲返嚟,我又拍左10年處境劇,我都要洗一洗個個角色,其實我都要,呢啲嘢真係無得急。」前年再度榮升父親的徐榮,對於角色方面會否但求有個位做呢?他說,「咁都要對自己有要求嘅,當然唔可以令自己做返以前無咩對白嘅角色喇。(會唔會都想做男一?)絕對想,我緊係想做男主角,角色始終控制唔到,要睇公司安排。」

包包出世後獲不少廣告商垂青。

講到樣子十分趣致的女兒徐心怡(包包)出世後,除了在《愛回家》客串幾集做馬家好之外,亦有同爸爸一齊孖住上代言產品,令到不少人都覺得父憑女貴,徐榮在訪問中亦笑言話要澄清一下,「無錯收入是增加了,但其實唔關包包事,佢唔係拍過太多廣告,都係1-2個,所有嘢其實真係唔係好多錢。我都有番啲身價㗎嘛,佢只不過有2年年資。」他指包包同大仔karson都係讀國際學校,「雖然學費貴好多,但希望佢地可以有個開心嘅童年,唯有自己辛苦啲搵錢。」講到包包,一定要提下只有2歲嘅佢,Instagram上已有超過2萬名粉絲,徐榮亦有透露最新動向,「佢最近好多嘢講,有時會講啲你無聽過佢講嘅嘢,最近抱佢入房,佢會叫我開燈,我覺得幾精彩。」

你可能感興趣