【年度奸人大賞】愈喪心病狂觀眾愈buy! 呢4個奸角最值得攞獎

撰文:
最後更新日期:

古語有云:「識揀一定做奸人!」根據非正式統計,幾乎套套劇彈起,都係因為有個奸人做到大家都想掐死佢!不過可惜吖,做得幾好又點,始終頒獎禮唔會有個「奸到出汁獎」畀佢哋,然後一年又過去…佢哋嘅努力就無疾而終。所以!今次《01娛樂》就為大家介紹返2017年4位終極奸人,睇下佢哋做過幾多傷天害理嘅事!

呢幕又真係幾好笑。

奸人入門級:
《超時空男臣》-張誠(鄭子誠飾)

向來都一副奸樣嘅鄭子誠,你要佢奸,Easy Job喇。不過今次佢喺超時空男臣入面,已經叫做冇咁奸!因為佢只不過係尋仇,時空穿越搵蕭正楠算帳。最正都係佢哋嘅Marvel式對打,又紅又藍都唔知睇緊Star Wars定復仇者聯盟喇…不過好少事啫,最多咪判佢「非法入境罪」、「蓄意傷害他人身體」同埋「毀壞建築物」!

【完美奸人】突發主持變御用奸人 鄭子誠:我唔會話自己係好人

【平安谷】御用奸人鄭子誠演獸醫 同沈卓盈有感情:今次唔算奸人

有人話郭展明係以魔警徐步高做藍本。

慢性變奸:
《降魔的》-郭展明(黃子恆飾)

呢位魔警,真係要贈佢一句:「問世間情為何物!」有「魔」嘅出現,直接引發咗佢嘅dark side,所以馬國明追咗佢鍾意嘅人,就要開展殺人行動,開始教唆他人,一連串隊冧馬國明身邊嘅人。去到後期,仲掐死埋最愛嘅人…以為咁樣就可以永遠擁有佢?你只係傻仔嚟㗎咋!判你「教唆他人犯罪」、「公職人員行為失當」、「傷人或對他人身體加以嚴重傷害」同埋「謀殺罪」!

【降魔的】馬國明未收到通知落實開拍續集:有無我都一樣開心

【降魔的.專訪】馬國明都會上高登:網絡潮語我都會識嘅

睇到都O晒咀!!!

重型奸人:
《乘勝狙撃》-蔣天龍(吳岱融飾)

看到鷲哥…呀唔係,係蔣天龍就一定會估到佢會爆seed喇,除咗指定對白,臭嘟之外,佢喺最後一集仲有大爆發…去婚禮亂槍掃射,然後返屋企隊冧個仔,仲要臨死都要鬧老婆:「我話你係雞啫,你唔使真係當自己係雞嘅」,然後噴血…完!殺人犯入面,都算係反高潮喇,判你謀殺入去坐廿年喇!

吳岱融開腔原來係磁性靚聲 「鷲哥」年底仲會出多首江湖歌

【Cult到裂開】吳岱融原來做過導演 「大作」《社團之撚位》票房僅6萬

Why So Serious?

終極奸人大獎:
《反黑》-招積(張建聲飾)

睇招積一副Joker樣,鷲哥同佢比?根本就係蚊比同牛比!我用例子答你。除咗綁架退休警員、襲警、殺人之外,招積最癲嘅一幕,大家唔會唔記得喇!就係佢將火屎(吳毅將飾)個咀用一針一線縫埋,你以為咁就完?話口未完,招積就擘大口,火屎嘅一口眼球刺身就完成…仲要將眼珠擺上檯好似Web Cam咁望住火屎…唔知有幾多人睇完嘔埋腸呀腎呀出嚟!雖然佢有殺過大佬B,但係呢種慢性折磨…告佢「謀殺」呀!坐到終身監禁都唔夠囉

【反黑】第二季劇集落實開拍 最強古惑仔人選原來係佢?

【反黑】陳雅婷鄰家女孩獨有清純氣質 冧莊三季做女主角



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。