【金宵大廈】高海寧母親家教極嚴:入行前都唔俾我遊船河

撰文:
最後更新日期:

耐唔耐高海寧都會因應工作需要而「派福利」。(黃國立攝)

高海寧出名是性感女神基本上是人所共知的事。前幾年每牽逢有高海寧出現的地方,就等於有養眼場面出現。雖然至近年起高海寧揚言要大幅減少性感(封胸),不過時不時仍然會見到高海寧性感的一面。老實說,高海寧收起性感之後,觀眾目光亦較多於留意她的演技,就好似她擔任女主角與鄭敬基合作的馬來西亞電影《福二代》也有不錯的評價。

最近《福二代》入面,高海寧仲做埋女主角添。(網上圖片)

近來TVB奇幻新劇《金宵大廈》3月份開鏡在即,高海寧亦有份客串其中一個單元。高海寧接受《香港01》訪問時說:「我係做一個有8歲仔嘅阿媽,同老公成日嗌交,關係唔好,又有少少怪獸家長上身迫個仔學嘢,要佢入名校。個角色係一個好aggresive嘅人,會嫌棄個老公唔積極賺錢,令到個關係好差。之後仲有人捉走咗個細路,都係一個幾慘嘅人。」

《金宵大廈》入面,高海寧飾演怪獸家長。(資料圖片)

今次《金宵大廈》中,高海寧要飾演怪獸家長。她就說為了演好角色更打算訪問自己的媽媽。「因為我媽媽自細就管得我好嚴。雖然佢未至於係怪獸家長迫我哋學好多嘢,但係佢會喺我哋紀律或者操行方面管得好嚴。我會訪問返佢呢一個心態跟住將佢用返喺套劇入面。加上我舅父喺(解放軍)軍人,我舅父係好講求紀律。我哋係唔可以瞓到太晏起身,起身就要摺被,跟住如果食嘢係咁『了』,就會筷子打落嚟。」

+17
+16
+15

至於高海寧的媽媽,其實對她的管教都十分嚴格。「我阿媽就會,例如4點半放學,就6點一定要到屋企,仲要唔俾出夜街通宵唱K,唔可以約朋友去遊船河,仲有好多呢啲規矩。(幾歲唔俾遊船河?)我入行前都唔俾我遊船河,因為遊船河佢覺得好危險。細個就成日覺得阿媽太長氣成日『哦』我,但係大個就覺得多謝阿媽管得咁嚴。」

原本細個高海寧媽媽管得佢好嚴。(圖為高海寧一家)(林迅景攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。