【果欄．專訪】馮盈盈親口同媽媽講對唔住 叮囑男朋友要生性
《果欄中的江湖大嫂》已經去到結局篇，講到近幾集最搶眼的角色一定是飾演「小狼女」的馮盈盈(Crystal)。自從飾演她哥哥的黃嘉樂死了後，馮盈盈便一心想著報仇，基本上整個人都被報仇的心態沖昏了頭腦，還想自己將殺哥仇人李天翔親手推落樓，認真瘋狂！
在劇中，馮盈盈是一個十分重視親情的人，對哥哥黃嘉樂是誓死維護。而在現實中，她也是一個對家庭十分看重的人，因此在進入娛樂圈後，因為自己的曝光而令到家庭受到影響，感到十分愧疚，亦因此她有一番感言想對屋企人表達，其中還有男朋友份添！
服裝：mi - tu, MAGinSHOP
Hair : Tonnis Lee@Hair Salon
Makeup : Moe Lo@Moe’s Makeup
當初Crystal選擇在香港大學修讀食物及營養學，全因為弟弟自小便患有腎病，為了令自己有更多的能力去照顧細佬，所以便選擇修讀此科。「其實而家情況好好多，醫學昌明嘛，佢而家每隔幾年就去打一次針，中間終於可以停咗類固醇呢啲好重（藥性）嘅藥，同埋亦都唔使好嚴格咁戒口。」除了幫細佬調理身體，讀營養學還有另一種用途，她說：「爸爸媽媽年紀開始大，身體上都會有啲常見嘅都市毛病，呢個時候我都有用，可以叫佢哋食少啲某啲食物。一啲以為我以為好易嘅食物常識，原來屋企人都需要提點，嗰吓我都覺得自己幾有用。」當初為家人選擇這一科，雖然細佬已經病情受控，但Crystal並不後悔選擇行這條路。
有一顆為家人服務的心，相信Crystal和家人的關係都相當不錯，她表示：「的確同屋企人關係唔錯，因為一齊住每日都會見，雖然入咗行之後，相處嘅時間會少咗，一啲家庭聚會會去唔到，因為要做嘢嘛。但心入面會覺得，屋企人真係好鍚你，做嘢上面好多時都要屋企人幫，例如出門做嘢要執行李，會幫我執嘢、call車，晨早流流嘈醒晒佢哋都無詐型。」
雖然關係好好，但Crystal都因為自己而對家人愧疚，最大原因就是當她入行後，亦令其家人受到影響。「當選（港姐）完被人起底，佢哋好多資料都被公開，不過佢哋都無投訴，亦都無怪過我，我都覺得佢哋好厲害，我覺得我入咗呢行最辛苦都係屋企人。雖然記者無乜都起佢哋好多資料，好在都無乜特別話啲咩，最多都係話我阿媽好似深田恭子。」好彩都似係讚多過彈。
除了這件事之外，Crystal還說自己初初入行的難捱時期，全靠屋企人支持才能撐下去，她說：「坦白講，入行初期搵錢真係唔多，但都有一定開支，例如出鏡嘅形象大大小小都要錢。屋企人不但唔怪我唔拎錢返屋企，仲會無條件咁幫我，有時仲會幫我買埋衫。選緊嗰陣直頭係失業喇，選完讀訓練班之後我都係當學緊嘢，當我真係做藝人之後都有俾返家用。」
最後，《香港01》為她設下一道題，就是想跟家人說甚麼肺腑之言，當中還包括了男朋友。
「爸爸，放心喇，我係無變到，只係有時太累我唔想講嘢，但係如果俾我休息返幾日我係會變返正常㗎，同埋好多謝你一直無條件咁支持我。」
「媽媽，對唔住，我知道我有時情緒唔係幾好，講嘢會好『堀』，對你好似有啲惡，其實都係嗰句，做嘢太累喇。如果之後有多啲時間休息，我會同你去日本旅行，我希望有機會同成家一齊去旅行，兩年內喇。」
「細佬，唔好意思，我成日用累做籍口點你做嘢，放心喇，我知你想要啲咩，我會放多啲好食嘅嘢俾你。可能由細到大佢都要戒口，所以到而家無乜事就想食多啲好嘢。」
「男朋友，你生性啲喇，你睇吓我已經有幾咁明確嘅目標，努力做人，發奮工作，所以你都要積極，努力上進。好好讀好你嘅書，考好你嘅牌，儲多啲錢，唔好打咁多機，然後一齊咁努力，就可以儲錢娶我。」
【果欄‧黃浩然‧專訪一】因為患病令他轉變：以前我係唔注重休息