【果欄‧黃浩然‧專訪一】因為患病令他轉變:以前我係唔注重休息

撰文:
最後更新日期:

《果欄中的江湖大嫂》是黃浩然今年的第二部劇集,其實今年他已經開始減產,除了因為要兼顧家庭之外,最主要的原因是因為他曾經患上了「貝賽特氏症」,導致喉嚨發炎潰瘍,視力模糊。亦因如此,他開始醒覺家庭比工作更加重要,由以前的一頭牛變成會推工作的黃浩然,更因此把十幾年的煙癮戒掉,過程還相當輕鬆。

當年浩然出院後瘦了不少,亦踏上了他的戒煙之路。(視覺中國)

在2014年,黃浩然被確診患有貝賽特氏症,亦因此將《張保仔》男主角之位讓給了洪永城。他曾經在訪問中說過,自己可以一年開365日工,浩然十分清楚自己在TVB的路,就是用最短的時間拍最多的劇。在入出院後終於明白了一個道理,他說:「以前我係好唔注重休息,搏晒命,收0300會接0630,但係而家我會舉手話唔好意思,我投降喇。當然食嘢都會小心咗,開劇都會帶吓飯,亦都戒咗煙喇,理論上而家身體係好咗好多。」

以前十足一頭牛的黃浩然,病後終於了解到其他事的重要性。(陳順禎攝)

人人都說戒煙有多難,不過在浩然的字典裡,看來並沒有「難」這個字詞,反而是輕鬆的,他說:「話戒就戒,病完喺醫院出返嚟,第一枝煙無食就無再食,戒咗3年幾。件事就好怪嘅,嗰陣喺醫院,已經無生命危險㗎喇,我老婆就同我講出咗院唔好咁快食煙住,因為嗰陣個胃有啲事,出咗院要食返一個月藥。我老婆就話,等我食晒藥先好食煙,其實嗰陣我都無乜特別想食,因為個口腔係爛晒,所以我就答佢好喇。」

而家身形同健康都返晒嚟。(《果欄中的江湖大嫂》劇照)

由1997年拍攝《十萬火急》而入行,浩然表示自己已經吸煙18年,當一日要做20個鐘,平均一個鐘頭1枝,1日除時可以食足1包煙。「咁話說好返喇,食晒藥,要返公司做一啲配音工作,我心諗正呀可以食煙,真係咁㗎,好似細路仔。通常我哋返到公司,泊低架車就去飯堂出面食煙,我老婆喺我出門口前就同我講返公司唔好食煙住,我就話吓唔係一個月後你俾我食咩,真係好似細路仔咁。之後我一路揸車就喺度諗,其實係咪可以唔食呢?咁到我返到公司喇,你知食煙嘅人㗎喇,啲煙同火機,車又有,背包又有,我嗰吓就試吓唔食喇。咁就入到廠,見到啲同事,你知佢哋喇,問我一句有無嘢呀就成包煙遞過嚟,我就話我無食喇。」拒絕了第一支煙,一直到現在三多年,浩然再也沒有抽過一口煙。

萬事起頭難,戒煙一樣係。(陳順禎攝)

+3
+2

不過其實浩然戒煙都有一套理論,他表示:「其實嗰刻我無諗咁多,純粹係唔食,無乜特別。但其實頭嗰半年我都keep住個袋有包煙,我唔係迫自己戒,出面啲人話煙好難戒,我又真係ok,so far戒到,我覺得可能食緊嗰陣戒係好難嘅,但我住醫院都住咗個幾月,咁你順理成卒章無咗嗰樣嘢,即日如果你今日食緊叫你聽日戒係唔容易。喺醫院經歷口腔爛晒,個人又康復喇,又無煙味,個人好似乾淨咗咁,可能因為咁喇。」各位有心戒煙的人士,不妨把自己跟煙隔離一段時間,可能好快就戒到喇!

拒絕第一枝係最難嘅事。(陳順禎攝)

【果欄‧黃浩然‧專訪二】令老婆難受:我唔識去pick up家庭生活

【果欄‧黃浩然‧專訪三】緋聞絕緣體:就算攬住都唔會覺得有企圖



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。