【開心速遞】傳馮盈盈加入原來只係美麗的誤會 盈盈親自解畫澄清

撰文:
最後更新日期:

馮盈盈做小狼女呢個角色好受歡迎。

馮盈盈 (Crystal) 首次參演的無綫劇集《果欄中的江湖大嫂》已經播出了大結局,她飾演的小狼女一角相當受觀眾同網民的喜愛,不少人都好期待可以再於其他劇集度見到她。有報道就指Crystal將會加入《愛.回家之開心速遞》劇組,事緣飾演送水輝的許家傑於他的ig story上載了一段短片,片中有同劇的湯盈盈、姚瑩瑩,以及無份演出該劇的Crystal,許家傑仲話:「三個盈盈,好亂呀!」就是呢條片令人以為Crystal會加入《開心速遞》呢個大家庭。

就係呢個ig story令人誤會喇。

不過Crystal已經在有關報道出街後,於她的Facebook貼文澄清表示:「唉呀,搞出誤會添,其實係我見到我兩位偶像兼盈盈界鼻祖,湯盈盈 Angela Tong、姚瑩瑩 Eileen Yeow,情不自禁主動去求合照啫,遲啲post呢張世紀合照呀 #3個盈盈一個廠 #大家都是盈盈」原來只係一個美麗的誤會,大家想再睇Crystal拍的劇唯有等下,又或者睇住她的ig靚相先啦。

佢話傳聞唔係真㗎。

小狼女角色令人印象深刻。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。