【美女廚房】美女學徒梁桂儀走可愛路線 性格大頭蝦想搵男仔照顧

撰文:
最後更新日期:

左三就係桂儀Abbie。(陳順禎攝)

正所謂夏日炎炎,享受陽光與海灘是常識吧?如果時間金錢許可的話,其實出海潛水也是不錯選擇。講到潛水,其實今晚播出的《美女廚房》第3集,其中一位出場「大展廚藝」的「美女學徒」桂儀(Abbie)也十分熱愛潛水。

第3集就到佢出場啦。(Instagram圖片)

桂儀:「潛水嘅話我已經潛咗6年,潛水牌我已經考到去Advence Oper Water Diver。宜定5,6月份,其實最啱就係東南亞地區,例如泰國嘅龜島,水底有超級多珊瑚,又或是10月份會建議去石垣島,到時會有得睇福岡嘅魔鬼魚,係超大條差唔多有8-10人咁大條。」講起潛水話題,Abbie真是滔滔不絕。

其實Abbie已經去過好多地方潛水,玩咗潛水已經6年㗎啦。(Instagram圖片)

每人喜歡潛水的原因都差不多,有人喜歡看魚、有人因為享受水底的寧靜、有人因為熱愛自然。Abbie表示,自己愛潛水的原因也差不多。「因為以前讀書壓力大,所以潛水嘅時候就會感覺有個屬於自己嘅寧靜空間。比起其他人,我特別鍾意夜潛,因為夜晚嘅時候會見到啲發光嘅微生物,就好似水底嘅螢火蟲咁,好靚㗎。」

Abbie話自己煮飯其實都唔差。(Instagram圖片)

「宜家為止去過泰國,希臘,香港,日本,台灣呢啲地方,其實我冇無數過去咗邊啲地方,但係都應該多過50次啦。遲啲儲夠潛水時間之後,我諗住去考埋潛水教練牌。雖然就唔係話特別想做教練,不過就當係潛水入面自己嘅一個里程碑咁。」

唔知今集Abbie煮咩嘢呢?(資料圖片)

問到有沒有心儀男生時,Abbie說:「我鍾意啲好細心為人設想嘅男仔,因為我性格超級超級大頭蝦,漏帶銀包或者唔見電話都你成日發生嘅事,搭車又會過站,所以如果有個識照顧我嘅男仔,我人生就會順利好多啦。」

+16
+15
+14


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。