謝安琪兒子踢波踢到去日本比賽 Kay:希望佢獨當一面

撰文:
最後更新日期:

謝安琪(Kay)為香水品牌設計香水,直言今次好有意義。(葉志明攝)

天后謝安琪(Kay)今日(10日)出席香水品牌活動,活動中Kay幫品牌設計香水,直言自己點子好多:「其實今次好有意義,除咗自己設計香水之外,更幫到其他國家女性可以得到教育機會。」問到她設計方面其實會否是強項,Kay否認呢一點,「我唔係好叻,不過好多事情我會有感覺,自己眼光都唔錯嘅,我睇每一樣嘢都好用心,所以可以幫到我設計。」其實Kay眼光最好係唔係揀咗一個張繼聰咁好嘅老公?Kay笑說揀得最好係揀咗麥浚龍呢一位好老闆。

早前麥浚龍電台訪問中講到接下來會與Kay在歌唱事業方面有合作,至於係乜合作?Kay透露:「嚟緊我哋嘅歌曲其實有好多故事關連,大家可以留意一下Juno嘅歌曲。隨即我會派歌,大家可以喺當中搵到歌曲裡面嘅情節。」Juno訪問中講到歌手要求變,Kay自己知唔知道呢一點?

Kay表示明白佢意思:「其實我覺得佢好好,佢係有動力令佢自己進步,將電影用喺我哋專輯裡面,我當然覺得係好事,除咗能夠聽同欣賞,更可以用睇嘅方式表達出嚟,加多咗一個層次,我好享受我而家嘅工作。」

Kay接下來的工作會著重專輯方面。(葉志明攝)

適逢八月係暑假期間,Kay有冇準備親子活動俾家中兩個小孩?Kay直言呢一個暑假比較忙,要專心做專輯。Kay工作之餘,當然會安排活動俾小朋友:「細囡佢有好多遊戲班,游水等,大仔就去咗日本踢波。」Kay透露今次大仔去日本踢波係自己一個人同球隊去,表示唔擔心佢一個人:「佢11歲,我覺得佢係時候要獨立少少,可以令到佢獨當一面。」

暑假期間Kay囡囡同囝囝已經有暑期活動。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。