陳凱琳婚後未慣被叫「鄭太」 目標想生多幾個︰嘉穎鍾意女多啲
撰文：吳子生
出版：更新：
Grace仲未習慣人哋叫佢做鄭太（陳順禎 攝）
49歲鄭嘉穎同27歲陳凱琳（Grace)，星期日（12）在峇里島舉行婚禮，正式成為鄭太的陳凱琳返港後即時開工，日前以身穿火紅色低胸長裙現身尖沙咀舉行著名品牌彩妝派對活動。Grace表示：「人哋叫我鄭太呢種感覺好得意，其實我未慣，試過有人咁叫我，我照行都唔知佢哋講乜嘢，後尾發覺佢哋原來係叫我，我會講聲唔好意思。」
Grace表示連日忙婚事，昨晚由峇里回港後瞓得最舒服（陳順禎 攝）
Grace表示因名額有限，所以今次峇里島之行唔係所有好朋友都能夠參與，當中「少婦聯盟」成員譚凱琪、沈卓盈及龔嘉欣等人就未有到場。「大家都好明白，知道呢件事唔會叫太多人過去，佢哋都話等我返嚟先一齊慶祝。」Grace透露家有三兄弟姐妹，好想生兩至三個小朋友，屋企會熱鬧啲開心啲，食飯又多啲人。「造人就順其自然，最緊要睇第一胎辛唔辛苦，如果第一胎辛苦，就唔再生，不過生仔女都無所謂，都咁開心，嘉穎就鍾意女仔，因為會嗲啲。」會唔會呷醋嘉穎錫囡多啲唔錫你？「如果到時佢咁錫個囡多啲仲好，我可以多啲時間出去玩，留返俾佢湊。」