【再創世紀】蔚雨芯慘遭胸壓 專業無尷尬:一Take過搞掂

撰文:
最後更新日期:

TVB劇集《再創世紀》劇情愈來愈精彩,當中蔚雨芯飾演的角色「麥嘉菲」性感出場,令人眼前一亮。劇中,蔚雨芯更毫不吝嗇好身材,大騷「魔鬼胸」,成功贏得價值三十億合約,都說「自古英雄難過美人關」,果然連商場上都不例外。

日前播出的《再創世紀》就講到高哲(林文龍飾)引薦的麥嘉菲(蔚雨芯飾)憑住好身材色誘客戶,用對方同自己「頭壓胸」的相片威脅,使客戶簽約價值三十億的住宅項目意向書,成功撃退賀天生(郭晉安飾)推薦的推銷樓盤高手Joe出任傲堂集團地產部總經理一職。雖然劇情有點兒牽強,但蔚雨芯的演出令不少觀眾讚好。蔚雨芯接受《香港01》訪問就透露:「拍嗰陣冇尷尬,專業㗎嘛!而且場戲係女導演拍同埋有清場。(真係有俾對方掂到?)冇,借位嘅,仲有空間,一take過搞掂,而且唔舒服嘅話我都會出聲嘅。(今次戲服都比較貼身,有冇keep下身材?)我一向都有做運動,係唔做運動就唔舒服嗰啲人嚟,所以冇特別keep。」

這些機會...(電視截圖)

點撃下圖逐格睇!

+3
+2

第一次演職業女強人,蔚雨芯都表示有壓力:「呢個角色都幾有難度,好多集團名呀,金融用詞要背,而且我長期都要喺龍爺(林文龍)隔離,所以要演得成熟啲同埋有氣勢啲。(今次係咪學到好多嘢呀?)係呀!龍爺除咗靚仔之外,我從來冇見過佢拎劇本喺身,因為佢背晒入腦,好專業。而Niki(周勵淇)就好爽快,幾乎都唔NG,所以兩位都好值得我學習。」

同兩合前輩合作,蔚雨芯都話壓力山大。(《再創世紀》劇照)

蔚雨芯2016年到北京中央戲劇學院修讀表演系時,簽約於吳奇隆旗下公司,主唱內地劇《一粒紅塵》主題曲《微光》。去年,她就重返TVB拍攝劇集《再創世紀》與《救妻同學會》,她透露:「其實奇隆嗰邊主力幫我搞內地的工作,想我喺綜藝同音樂方面多啲發展,而香港就有另一間經理人公司幫我接jobs,咁暫時都會主力拍劇同電影,等多啲人認識我。」

蔚雨芯俾吳奇隆睇中簽做旗下藝人。(微博照片)

至於感情生活,蔚雨芯就拒絕表示:「緣來緣去囉。(咁有冇拍拖?)都多人追嘅,但我獅子座,比較強勢,成日嚇走人。但感情方面,都希望低調啲,唔想講咁多。」

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。