【再創世紀】郭晉安收厚酬到內地登台 「希望日後有更多機會」

撰文:
最後更新日期:

郭晉安獲內地樓盤商以厚酬邀請他到杭州出席活動。

郭晉安今年五月約滿無綫後,隨即轉簽王祖藍的經理人公司,當時佢就話過係有意北上發展。隨著近日劇集《再創世紀》於內地播出後,郭晉安即獲內地樓盤商睇中,以厚酬誠邀他前往杭州睇樓兼出席活動。席間安仔大開金口,獻唱了《月亮惹的禍》及《一生中最愛》,贏得全場如雷掌聲,活動期間更有不少粉絲向安仔獻花及送上不同款式的月餅,令安仔受寵若驚。

如果唔係有厚酬,真係好難開金口唱歌。

事後安仔笑言今年收月餅收到手軟:「好多謝大家厚愛,其實我都幾鍾意中秋呢個節日,一來好有傳統氣氛,二來都係一個好機會俾我親子。」談到昨晚的中秋節,安仔透露與囝囝囡囡玩燈籠及吃月餅簡單度過,問到被封「凍齡視帝」的他,平日有什麼keep fit 之道,他表示運動很重要:「平時我會盡量注意飲食;另外我會keep住做運動,主要係打網球同跑步。同埋我都有定時食啲補健食品,補充身體所需。」安仔又透露是次到杭州出席活動很開心,大讚內地粉絲很熱情。並笑指希望日後有更多機會到內地工作及拍劇。

登完台,收到成日禮物之後又可以返香港同屋企人過中秋,真係好好呀。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。