Stephy鄧麗欣開舖選址台灣 方便王子探班兼爭取時間拍拖？
撰文：洪曉璇
出版：更新：
恭喜Stephy Baby出世﹗鄧麗欣同邱勝翊（王子）公開戀情唔係好耐咁快有愛情結晶？非也非也，Stephy近年事業愛情兩得意，除咗演藝事業攀上高峰，副業方面除咗喺內地投資時裝生意，最近仲進軍飲食業，頭先所講嘅baby係佢喺台北即將開業嘅健康飲品店呀。
Stephy自從大方認愛王子復，就連做生意都要去台北。（王子IG）
早前Stephy於網上宣佈：「跟大家說個好消息，我的Baby出生了﹗我的第一家健康手搖飲料店，準備在台北開幕。」大家都知台灣茶飲店開到成行成市，競爭相當激烈。Stephy偏向虎山行，莫非想為將來嫁作台灣婦落地生根做準備？
Stephy開心宣佈進軍台北做老闆娘啦﹗（鄧麗欣IG）
之前佢回覆傳媒就話男友王子並無股份，但女友做生意仲要喺自己地頭喎，王子點會唔出心出力幫手呀。明明14號舖頭先正式開張，王子雙十節已經落舖影相兼試飲，毫不避嫌po相上網力谷宣傳，仲笑言：「不知道穿P.STAR有沒有打折？」同大家解釋下，P.STAR係王子嘅自家服裝品牌，如果真係咁樣推聯合優惠，睇怕好快會變人龍店啦。
【L風暴．專訪】鄧麗欣演港女回歸阿寶 感激古天樂勉勵轉型成功
14號先開張，雙十節王子已經落舖試飲兼幫手打點。（王子IG）
睇下佢兩個嘅相，除咗心有靈犀都唔知講咩好啦。（IG圖片）