【火速救兵】傷者化妝超逼真勁多血 導演范因明:甜甜哋食得落肚

撰文:
最後更新日期:

繼上集燒完黃大仙港鐵站之後,今集《火速救兵IV》轉移陣地,來到一個巴士撞騎樓意外的現場,飾演救護員的林文龍和梁雍婷抵達現場後除了看見被騎樓鏟起頂蓋的巴士之外,亦見到遍地傷者,血流成河的畫面非常震撼。雖然展示意外環境的鏡頭只有短短幾秒,但要做到效果逼真,導演范因明認為要歸功當日的特技化妝師和飾演傷者的演員:「個個都要化個有血嘅妝、又『黐立立』,但嗰時成34.5度,又唔抹得,連食飯都要Keep住個妝唔花!」

巴士意外現場有大量傷者,其中有一位更捲入車底。(電視畫面)

每一個傷者都有一個屬於自己的妝容

「專業」二字已經不足以形容范因明心中對當日三位化妝師的表現,他說:「佢哋會問我每一個傷者係點傷,係撞到吖?定還是被拖行吖?定還是骨折吖?細緻到連皮外傷都有分,甩皮、割傷定刮傷都會影響到個妝應該點樣化。」拍攝當日,導演請來了3位特技化妝師為撞巴士現場的傷者化受傷妝,由凌晨5點幾開始化至中午,前後總共為約三十名演員化受傷妝,期間又要不斷補妝,準確無誤之餘,速度的要亦非常之高。

點擊下圖逐格睇啲「傷者」有幾逼真:

+8
+8
+8

逼真血漿秘方公開 成分原來有枇杷膏

要令傷者的效果逼真,除了要靠化妝品調色、特製傷痕等,仿真度高的血漿才是受傷化妝的靈魂。要做到仿真度高的血漿,主要是由兩種「食品」混合而成,分別是枇杷膏和利賓納,無論顏色和質感都與真正的血液非常相似,導演說:「血嗰個質感唔似水,係好黏,杰撻撻咁。不過呢啲血漿係可以食落肚嘅,當然唔係飲落去啦!我試過舐少少,係甜甜哋嘅。」

導演預告在全部集數播放後,在今年年尾會有一個劇場版:「因為而家有好多觀眾都投訴話每集時長時短,啲高潮位又好怪咁,咁年尾就會推出有似一個合輯咁,將一個單元嘅上下集連返埋一齊,到時仲會長多幾分鐘,交代返細緻位。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。