高俊文由「TVB御用法官」轉行做保安:有人問我點解要做呢啲

撰文:
最後更新日期:

曾經為無綫(TVB)多套劇集演出、2013年轉投香港電視(HKTV)的「綠葉王」高俊文近年已經沒有新作品出街,原來他在HKTV停止製作電視節目後已經開始着手準備轉行,最近便有報道指他已經轉行做保安,在一間連鎖式百貨公司裏面工作,他接受訪問時便指自己收入穩定,比之前做藝人好,更稱自己不會再涉足影視工作。

高俊文經常在劇集中飾演專業人士,曾經在《通天幹探》(2007)、《怒火街頭》(2014)及《律政新人王》(2003)裏面扮演法官。(電視畫面)

高俊文接受《香港01》訪問時住笑住投訴好多記者打電話給他,更指自己已經轉行想有一點私人空間:「如果我仲喺圈裏面,我做緊嗰份係兼職就話啫!(其實有冇電視台、電影有過搵你?)少啦,有都唔會出到我想要個價!」講到現時的工作,他稱雖然稱不上舒服但感覺好實在:「都冇乜所謂喇,初時唔慣係因為多人認得,但係飽肚先係最緊要,始終唔後生喇,都要搵棺材本。」

高俊文亦曾經為TVB拍攝80多套劇集。(電視畫面)

問收入是否如報道所指,比起做TVB藝員高得多?高俊文說:「咁又唔係高好多,OK啦,叫做有錢交租,其實都唔做得幾耐,我今年都60歲,過多5年就退休。(都可以繼續做?)過咗退休年齡繼續做就唔係保安喇,係看更,辛苦好多。」他又坦言考保安牌時有點掙扎,因為的確有同學問他「點解要做呢啲」,令他有心理負擔:「但係我好快就諗清楚,我又唔係求人,我靠自己對手搵錢,有咩問題。」

提到高俊文這類甘草演員在TVB為數不多,他坦言好多上年紀的演員都沒有太大的經濟壓力:「但係我冇底(家底)呀,之前又投資失利!(蝕咗幾多?)唔講啦,人生係好奇怪嘅,有啲嘢你條命裏面冇就係冇。」

高俊文在2013年轉投HKTV,在《大眾情性》中,他與同李楓飾演一對老夫老妻,因為後者不肯發生性行為而產生爭執。(劇照)

高俊文在1978年於TVB第7期藝員訓練班畢業,同屆同學有現為佛學講師和粵曲教師的甘國衛、同樣曾是「綠葉王」的曾偉明以及已故藝人鄺佐輝,有指他因為拒接時任監製王天林的通告而無奈離開TVB,到2000年才重返藝員崗位,他2013年接受《蘋果日報》訪問時講起此事時說:「每個藝人都有辛酸史,當年因為資訊冇咁發達,我又冇錢出Call機,話我拒接通告,之後重複解釋都冇用,2000年再返無綫,嗰張拒接通告Memo紙仲係度,呢個對我打擊比較大。」

另外,高俊文在HKTV不獲發牌時,曾與其他職藝員在政府總部門外抗議連續兩晚,更曾跟陸駿光、張松枝及郭鋒上演撐HKTV嘅《半澤直樹》短劇,飾演部長角色。

高俊文在2013年與陸駿光、張松枝及郭鋒,於政府總部門外演出《半澤直樹》短劇,支持HKTV爭取電視廣播牌照。(影片畫面)

+2

其實高俊文亦有在多套電影中演出,包括著名Cult片《山狗》,飾演Ken的他便因為掛住與飾演其女友的黃小玲嬉戲、親熱,搞到飾演阿玲的莊靜而被王青等「山狗」輪姦:

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。