【叱咤2018】古天樂現身奪「我最喜愛男歌手」:我真係好鍾意唱歌

撰文:黃梓恒
出版:更新:

今次《2018年度叱咤樂壇流行榜頒獎典禮》最大的期待點,當然是有份競逐「我最喜愛男歌手」獎項的古天樂會否出現,點知真係佢拎獎,而佢又真係出現!

古天樂真係驚喜現身,佢一上台就話:「我真係好鍾意唱歌,不過我唔識唱啫。呢個世界真係好奇怪,真係有奇蹟,我都可以行得上台,拎呢個獎我真係無嘢好講。首先,一定要講㗎喇,多謝903,多謝投票嘅我嘅人。你唔好企喺身喇,好似我拎咗終身成就獎咁。我好知道大家最喜愛我唔係歌曲上嘅作品,上年我做咗演藝人協會會長,我好想幫新歌手,我用我嘅時間,同咗好多歌手食飯,因為我真係完全唔識。當我了解完,我知道佢哋團火無熄過,我好開心,你睇我,我都可以行上台。但真係,作為一個新人,自己心入面團火,唔好忘記,無論成功與否。我阿爸成日同我講,要蝕底,Juno我唔係我蝕底幫你唱咗成首歌,唔好放棄自己,我哋香港樂壇,廣東歌就靠你哋。」

林海峰「預告」古天樂亮相《叱咤》:我出現就係佢出嚟嘅時候!

古天樂真係為演藝界做唔少嘢。
+19

另外,古天樂的經理人Ronnie,在頒獎禮結束後,極速上載了多張古仔與阿Kay、Juno的合照。