吳岱融將為無綫拍民初劇演大好人 希望有機會開個唱

撰文:張嘉敏
出版:更新:

吳岱融 (Hugo) 出席網台面包台周年晚宴暨頒獎典禮,獲頒共嗚人氣歌手獎項,他表示:「好開心我嘅歌可以引起其他人嘅共嗚,我會盡我能力繼續唱好啲歌。」問到他今年出碟的事,他說:「好期待,自己就嚟喺登六(60歲),好感謝老闆令我喺有生之年可以再出碟,呢隻係我人生第二隻碟,真係好開心,依家已經錄咗兩首廣東同兩首國語。」

吳岱融好開心可以再出碟。(黃國立攝)

問到他唱的是甚麼歌?吳岱融就話:「係啦,我呢個年紀,無理由唱啲小鮮肉情歌㗎嘛。有一首係送畀我太太嘅《回去愛你十億秒》、一首係同歐瑞強合唱嘅《水霞‧風雲》、仲有一首《風大浪大》同埋《我的朋友不簡單》,呢首係講我同一班相識幾十年嘅朋友嗰份友情,大家一齊努力拼搏。」對於古天樂奪得叱咤903的「我最喜歡男歌手」一獎,Hugo笑言:「佢踩過界。」

佢話想開演唱會。(黃國立攝)

雖然好鍾意唱歌,不過Hugo今年仍然是會主力在拍戲方面,會繼續為無綫拍劇:「新劇會喺3、4月開拍,詳情唔講得住,係民初劇嚟,我個角色係好好人嘅。依家播緊嗰套《守護神》入面,我個角色比較搞笑,出嚟嘅反應都好好,好多謝好多朋友嘅支持。啱啱拍完《牛下女高音》,講我哋一班中佬嘅情懷,TVB都有為呢套劇寫咗首歌畀我唱,歌名係《你比我重要》,呢首我都係唱畀太太聽嘅。」至於可會唱快歌又或是跳舞,他說:「我有唱過林子祥嗰首《十二分十分寸》,唱到氣咳,跳舞就唔會喇,我跳到不過我唔會跳。」他又謂希望有機會可以開演唱會,即使唱live確是會有些壓力。
 

對於古天樂奪得「我最喜歡男歌手」一獎,Hugo笑言:「佢踩過界。」(黃國立攝)
你可能感興趣