【後生仔傾吓偈】被網友討論「幾錢一晚」 朱智賢:我唔係做開

撰文:
最後更新日期:

出名身材好嘅朱智賢,原來中學時代曾有「長平公主」之稱,令到一眾後生仔同主持都十分驚訝。

最新一集《後生仔傾吓偈》以「做藝人係咪要面皮夠厚?」為題,仲搵嚟朱智賢、胡鴻鈞、劉佩玥、黃庭鋒做嘉賓,朱智賢話自己暫時都未遇過好攻擊性嘅負評,最多都係被指年紀大,但提到最想反擊嘅留言時,佢就話試過喺討論區見到「幾錢一晚」嘅題目,令佢十分之嬲,對於女藝人被問價一事,6號認為時有發生,但朱智賢聽到6號嗰句「好常見」後,反應十分之大,「咩好多女星都有?我唔係做開呢啲嘢㗎嘛!佢哋好似已經assume我係做呢樣嘢!」朱智賢表示每次見到類似嘅留言都極有衝動想留言為自己澄清。

對於被開價5百元,FYY極嬲。

見到朱智賢咁激動,馮盈盈插嘴表示︰「我知道點解嬲,佢係咪開得太平?試過有人inbox問我五百蚊過夜得唔得?」FYY此言一出,全場人都笑到收唔到聲,連本身好嬲嘅朱智賢都忍唔住爆出一句︰「我冇咁低價。」對於被出價五百元一事,FYY有感不被尊重,所以即時將對方封鎖。而朱智賢亦都「呼籲」有意問價的話,不妨直接當面問,在旁嘅胡鴻鈞反應都幾快,即問︰「幾錢晚?」朱智賢就好霸氣咁回覆:「幾錢都唔得!」其實講到負評,FYY近年都有唔少,佢話最介意係被指「cheap」、「上唔到大場面」,更笑言自己本身好優雅,只係為咗同觀眾拉近距離,所以將自己降級。真係辛苦晒喎…...

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。