細個打針驚到喊反轉醫療室 胡杏兒:啲姑娘都怕咗我

撰文:
最後更新日期:

胡杏兒今日(8日)以代言人身份到尖沙咀出席流感疫苗宣傳活動,近日香港天氣反覆無常、忽冷忽熱,是流感高峰期,杏兒表示:「身邊嘅近日朋友都病咗,最好預防方法方就係用疫苗,因為好似揸車時扣咗安全帶一樣,有一個保障。況且依家又有新嘅噴鼻式疫苗,唔使再怕打針,因為好多家長都會面對一個問題,小朋友一知道打針就會好驚,所以依家有噴鼻式疫苗,可唔可將所有疫針用晒噴鼻式方法代替,咁啲家長就可以放心。」

近日流感高峰期,杏兒每次出門後會洗手清潔乾淨才抱囝囝。(黃國立攝)

大人打針都會怕,更何況是小朋友?杏兒分享兒時經歷說:「最深刻有一次,小時候讀幼稚園時,媽咪帶住我去打針,一入到醫療室,我未打針就已經好驚係咁喊,連啲姑娘都怕咗我,我驚到將成個醫療室反轉,連啲姑娘都驚咗我,不過依家人大咗,知道係唔痛,但見到都會有啲驚。」

杏兒指囝囝年紀小,打針仲未識驚,若囝囝驚就會好心痛。(黃國立攝)

而胡杏兒囝囝不經不覺已15月大,精靈又可愛,被問到會否孖住囝囝一齊接拍廣告?杏兒笑言:「有廣告商搵過我,之前囝囝太細個,當時怕做唔到客戶要求,如果唔係太高要求我都可以考慮一下,但搵埋老公一家三口就唔好啦。」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。