改新名即奪最佳男配角? 「唯唯」梁競徽:唔好講到咁大威力!

撰文:
最後更新日期:

新一年代表新開始,人稱「唯唯」的TVB藝人梁烈唯就公布改名梁競徽,網民對此反應異常「熱烈」,並且猜測「唯唯」改名原因,包括轉運 ── 改變星途。

周六(12/1)梁競徽盛裝出席活動時接受《香港01》訪問,親自解釋,並非在元旦日改名:「個名都改咗一段時間。(係咪攞獎前?)又唔好講到個名咁大威力。」2018年12月16日,當梁競徽仍然是梁烈唯的時候,終於在《萬千星輝頒獎典禮2018》中憑台慶劇《是咁的,法官閣下》奪得「最佳男配角」。

梁烈唯在《萬千星輝頒獎典禮2018》中憑台慶劇《是咁的,法官閣下》奪得「最佳男配角」,其實得獎前就已經改咗名。

公開呼籲勿再叫疊字:一係就嗌全名!

問題來了,日後如果見到梁競徽,應否繼續稱呼「唯唯」呢?還是叫他「競競」、「徽徽」梁競徽聽罷會心微笑:「唔使有壓力嘅,如果大家覺得嗌『唯唯』舒服嘅,就嗌『唯唯』啦;如果可以改到口嘅,咪嗌『競徽』囉。(『競競』或者『徽徽』呢?)千祈唔好再疊字啦,一係就嗌全名!(嗌小學同學咁嗌全名?)係囉,嗌全名講出嚟會好聽啲。」

新一年新開始,梁烈唯決定宣佈改名梁競徽。

到底他改名的真正因由,以及新名字的意思是甚麼?梁競徽似乎不願透露太多:「當然有原因啦,但我唔會特別解釋,反正係同父母商量過,大家都覺得做呢個決定係啱,最主要係希望我成個屋企更加好。(改善運程?)好多嘢囉。(唔講得?)係。(有特別意思?)個意思就一定係好啦,哈哈,好長篇㗎,就唔解釋咁多。」

梁競徽今次改名,可謂十分徹底,就連身份證亦已變成這個新名字。「之前都一直有諗係咪要全面咁改,我自己就希望係,所以就同公司同埋身邊朋友商量。我覺得既然呢個決定係做咗,我覺得應該係要徹底啲。」

昨日梁競徽(唯唯)出席活動時,就解答咗一系列嘅疑問。雖然仲有啲問題話要保持秘密,冇答到...(林迅景攝)

HELLO!競徽!(林迅景攝)

乍聽「梁競徽」這個名字頗為「蹺口」,到底自誰的「手筆」呢?他說:「我可以透露,一定唔係自己改,我冇咁好文彩。(隱世高人?)係一個好好嘅朋友。(風水師傅?)係一個專家,好好嘅朋友。(好出名?)我唔知佢出唔出名,應該都出名。(透露下係邊位?)我唔會講啦。(名嘅意思,嗰位專家有解釋你知?)當然有啦。不過冇所謂嘅,大家朋友,你諗到係咩意思,覺得好聽,又或者難記,都冇乜所謂,大家都可以有自己嘅空間。」

據知情者透露,除了「唯唯」改了新名字外,他身邊不少髮型師、化妝師以及好朋友都有改新名,部份人更在改名後「撈到風山水起」,或多或少說明了新名有其「威力」。

+13
+12
+11


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。