獲網民封「冰封俠」 童顏曹永廉勁牙擦:鄭嘉穎皺晒皮!

撰文:
最後更新日期:

曹永廉(阿廉)、唐文龍、楊卓娜、漢洋與譚嘉荃及星級化妝師Will Or,日前為醫學美容中心新店開幕擔任剪綵嘉賓,吸引大批巿民圍觀,場面墟冚。而有份主演劇集《大帥哥》的阿廉就大受歡迎,獲不少巿民索合照,人氣爆燈。

阿廉獲粉絲索合照,人氣相當高!

54歲的阿廉,不單止人氣勁,保養得宜的他,近日更獲網民封為「冰封俠」。問到美容心得,他笑言後生時沒有特別保養,但有感近年出現衰老跡象,故多了關注儀容。平時會勤力敷保濕面膜或做Facial,又會注重健康,飲食少糖少鹽:「其實最重要係心態,開心,個樣就會後生。」

問到阿廉身邊朋友中,覺得邊位跟他一樣Keep得咁好?他笑言身邊個個朋友都保養得不好,他更點名指鄭嘉穎、黃智賢、蕭正楠老得快,笑言:「我身邊個個朋友都keep得唔好,你問我身邊邊個朋友老得好快呢?一定係最老友嗰幾個,大家都知道啦,嘉穎皺晒皮,另外黃智賢個樣睇落仲大過我,其實佢年紀係細過我。仲有蕭正楠,有啲劇佢可以做我阿哥,佢真係要檢討吓!所以喺我身邊嘅人老得快,唔代表我後生,希望佢哋注重吓,尤其係嘉穎唔好咁勞碌。」

阿廉保養得宜,皮膚白到同楊卓娜有得揮。

至於提到《大帥哥》收視高、口碑好,阿廉亦聽到不少同事大讚劇集好睇,令他感到十分高興。農曆新年將至,阿廉表示將陪伴家人四出拜年,問到他會否叫已宣布婚訊的蕭正楠封大利是給他?阿廉笑說:「今年佢揚晒,都幾大鑊!不過佢好孤寒!唔會封畀我,叫佢封畀我啲小朋友,我啲仔女曾經當佢係偶像。雖然佢結咗婚,我個女對佢冇晒興趣,但都希望佢會封番封大利是畀佢哋。」

另外,樣貌、身型同樣十年如一日的唐文龍,自言是貪靚一族,所以對保養非常講究。問到2019年,會否希望宣布「封盤」,他直言:「女友都冇,何來『封盤』,爸爸催過我,催到近年都放棄。」問他是否要求高?唐文龍也直認不諱:「最緊要同我夾得埋,對我阿爸阿媽好,皮膚白、唔好太瘦!」而楊卓娜則透露妹妹楊怡較她貪靚,講到楊卓娜會否傳授生仔袐方給楊怡,卓娜即表示:「生小朋友係講緣份,佢有自己計劃,知道媽咪有幫佢調理身體,佢自己都有食中藥調理。」

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。